Электразабеспячэнне ў Нігерыі, самай густанаселенай краіне Афрыкі, часта парушаецца, нягледзячы на яе ролю буйнога вытворцы нафты і газу.
Раніцай у чацвер узровень выпрацоўкі электраэнергіі ў самай густанаселенай краіне Афрыкі ўпаў да нуля мегават. Сувязь паступова аднаўлялася на працягу дня, піша Бі-бі-сі.
Электразабеспячэнне ў Нігерыі, размешчанай на захадзе Афрыкі, часта парушаецца, нягледзячы на яе ролю буйнога вытворцы нафты і газу.
Тое, што адбылося ў чацвер, стала самым сур'ёзным адключэннем за год — у 2022 годзе энергасістэма заходнеафрыканскай краіны выходзіла з ладу прынамсі чатыры разы, што ўлады спісвалі на тэхнічныя праблемы.
Шэраг кампаній па размеркаванні электраэнергіі паведамілі кліентам у X (былы Twitter), што самыя апошнія адключэнні электраэнергіі былі вынікам «поўнага сістэмнага калапсу».
Міністр энергетыкі Адэбаё Адэлабу заявіў, што пасля пажару адбыўся выбух на лініі электраперадачы, якая злучае дзве электрастанцыі ў Нігерыі, што прывяло да адключэння электраэнергіі.
«Пажар быў цалкам лакалізаваны, і больш за палову злучэнняў адноўлена, а астатнія будуць цалкам адноўлены ў самыя кароткія тэрміны», — сказаў Адэлабу.
Менш за 50% насельніцтва Нігерыі мае доступ да рэгулярнага электразабеспячэння. Большасць дамоў і прадпрыемстваў звяртаюцца да генератараў, інвертараў і іншых крыніц электраэнергіі, каб не залежаць ад нацыянальнай электрасеткі.
Аднак многія з іх цяпер абыходзяцца даражэй пасля скасавання ўрадам паліўных субсідый у маі мінулага года.
Тэарэтычны максімальны аб'ём электраэнергіі, які Нігерыя магла б вырабляць, складае 12 500 МВт, але звычайна краіна вырабляе толькі чвэрць гэтага аб'ёму.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень8
Каментары
самай густанаселенай краіне Афрыкі,
будзе яшчэ больш насяленія