U Jeŭrasajuzie prajšli padrychtoŭku 27 tysiač ukrainskich vajskoŭcaŭ
Pra toje, što 27 tysiač ukraincaŭ prajšli vajskovuju padrychtoŭku ŭ ramkach trenirovačnaj misii Jeŭrasajuza, skazaŭ vysoki pradstaŭnik ES u pytańniach zamiežnaj palityki i palityki biaśpieki Žazep Barel padčas videazvarotu da ŭdzielnikaŭ Forumu abaronnych industryj 30 vieraśnia.
«Vidavočna, što inviestycyi ŭ abaronu Ukrainy taksama aznačajuć inviestycyi ŭ našu ŭłasnuju jeŭrapiejskuju biaśpieku. My praciahvajem finansavać pastaŭki sučasnaj vajskovaj techniki ŭ adpaviednaści z pryjarytetami, vyznačanymi Ukrainaj. Taksama my pravodzim dastatkova vialikuju pracu pa vajskovaj padrychtoŭcy», — zajaviŭ Žazep Barel.
Barel nahadaŭ, što niadaŭna ES pavialičyŭ metavy pakazčyk padrychtoŭki ŭ ramkach misii da 40 tysiač da kanca hetaha hoda.
«Akramia taho, naša inicyjatyva pa vytvorčaści bojeprypasaŭ, viadoma, dobra akuplajecca. My zrabili nieadkładnyja pastaŭki sa składa i ciapier aryjentujemsia na sumiesnyja zakupki. U hetym miesiacy Jeŭrapiejskaje abaronnaje ahienctva padpisała z pramysłovaściu dzieviać ramačnych kantraktaŭ na ahulnuju zakupku 155-mm bojeprypasaŭ», — dadaŭ kiraŭnik dypłamatyi ES.
Pavodle jaho słoŭ, «my pavinny vyrablać bolš i chutčej, kab praciahvać padtrymlivać Ukrainu i papaŭniać zapasy našych dziaržaŭ-členaŭ».
Raniej stała viadoma, što ŭ ramkach schiemy zakupak Jeŭrasajuza siem krain zamovili nieabchodnyja artyleryjskija snarady dla Ukrainy. Havorka idzie pra bojeprypasy kalibra 155 mm.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary