«Ahresiŭnych dziejańniaŭ nie rabili, prykmiet ałkaholnaha apjanieńnia nie zafiksavana». Trenier maładziožki prakamientavaŭ incydent z futbalistami ŭ Partuhalii
Učora źjaviłasia infarmacyja, što hulec biełaruskaj moładzievaj zbornaj i machačkalinskaha «Dynama» Rusłan Lisakovič atrymaŭ traŭmu hałavy pry padzieńni na asfalt paśla haściavoha matča z Partuhalijaj. Kazali, što jon ahresiŭna čaplaŭsia da ludziej, a potym mocna ŭdaryŭsia hałavoj ab asfalt. Ciapier źjaviŭsia kamientar nakont hetaj situacyi ad hałoŭnaha treniera zbornaj Siarhieja Jasinskaha.
Siarhiej Jasinski, nie admaŭlajučy taho, što incydent sapraŭdy byŭ, admaŭlaje toje, što ŭ im była niejkaja vina jahonych padnačalenych:
«Paśla hulni, viarnuŭšysia ŭ hatel pozna ŭviečary, Lisakovič z partnioram vyjšli na vulicu z metaj prahulacca pierad snom. Na vulicy da ich padyšło dvoje nieviadomych ludziej z nastojlivaj prapanovaj niešta kupić. Słoŭnaja svarka skončyłasia tym, što nieznajomiec niečakana źbiŭ z noh Rusłana, toj upaŭ na bruk, niaŭdała stuknuŭšysia hałavoj, i straciŭ prytomnaść. Vypadkovyja śviedki, jakija prajazdžali mima, vyklikali chutkuju dapamohu i palicyju. Lisakoviča advieźli ŭ balnicu.
Užo praz paŭhadziny tam byli pradstaŭniki kamandy. Pa śviedčańni vidavočcaŭ, nijakich ahresiŭnych dziejańniaŭ našych futbalistaŭ nie było, prykmiet ałkaholnaha apjanieńnia nie zafiksavana, što zadakumientavana ŭ miedycynskim zaklučeńni, nijakich pretenzij z boku palicyi da našych futbalistaŭ nie vystaŭlena».
Pavodle Siarhieja Jasinskaha, na hety momant Rusłan Lisakovič u Partuhalii pad nahladam lekaraŭ, ź im pastajanna znachodzicca pradstaŭnik kamandy.
Rusłan Lisakovič ahresiŭna čaplaŭsia da ludziej, a potym mocna ŭdaryŭsia hałavoj ab asfalt — Trybuna
Žurnalist śćviardžaje, što futbalist moładzievaj zbornaj pabiŭsia i trapiŭ u balnicu ŭ Partuhalii. Žonka abviarhaje
Nazvany hulcy zbornaj na matčy z Andoraj i Izrailem. Jość navat biełarus z čempijanatu Ispanii. Ale nie śpiašajciesia radavacca
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary