Najbolšyja krainy śvietu padpisali dekłaracyju ab katastrafičnaj niebiaśpiecy štučnaha intelektu
Na pieršym mižnarodnym samicie pa biaśpiecy štučnaha intelektu, jaki prajšoŭ u Vialikabrytanii, 28 krain śvietu pryznali, što štučny intelekt pradstaŭlaje katastrafičnuju niebiaśpieku dla čałaviectva.
Pieršy mižnarodny samit pa biaśpiecy štučnaha intelektu (ŠI) z udziełam ZŠA, Kitaja, Jeŭrasajuza, Aŭstralii, Saudaŭskaj Aravii, a taksama takich asobaŭ, jak Iłon Mask (uładalnik SpaceX, Tesla i sacyjalnaj sietki X), Bret Śmit (prezident kampanii Microsoft), Demis Chasabis (kiraŭnik Google DeepMind), Sem Altman (hienieralny dyrektar kampanii Open AI) byŭ pryśviečany pošuku sposabaŭ minimizacyi pahroz štučnaha intelektu na mižnarodnym uzroŭni.
Vystupajučy ŭ kułuarach samitu Iłon Mask adznačyŭ, što novyja raspracoŭki, takija, jak sistema Frontier AI, moža stać razumniejšymi za ludziej u vykanańni šerahu zadač.
«Upieršyniu my majem situacyju, kali jość niešta, što budzie razumniejšaje za samaha razumnaha čałavieka <…> I mnie nie zrazumieła, ci zmožam my sapraŭdy kantralavać takuju reč», — cytuje The Gardian słovy Iłona Maska.
U dekłaracyi, jakaja była apublikavanaja 1 listapada, adznačana, što pobač z šeraham stanoŭčych upłyvaŭ,
«štučny intelekt stvaraje značnyja ryzyki, u tym liku ŭ śfiery paŭsiadzionnaha žyćcia. <…> Isnuje imaviernaść naniasieńnia surjoznaj, navat katastrafičnaj škody, <…> jakaja abumoŭlena najbolš značnymi mahčymaściami madelaŭ ŠI».
U suviazi z hetym krainy-ŭdzielnicy damovilisia ab sumiesnym pošuku sposabaŭ kantrolu za dalejšym raźvićciom štučnaha intelektu, kab «harantavać, što pieravahi technałohii mohuć być vykarystany adkazna».
Adnak, jak adznačaje The Gardian, pakul isnuje tolki minimalnaja zhoda adnosna taho, jak mohuć vyhladać hłabalnyja praviły adnosna štučnaha intelektu i chto pavinien ich składać. U hetaj śfiery vidavočnaja kankurencyja pamiž Vialikabrytanijaj i ZŠA.
Niekatoryja palityki va ŭradzie Vialikabrytanii spadziavalisia na toje, što śpiecyjalnaja mižuradavaja metavaja hrupa pa štučnym intelekcie atrymaje dadatkovyja paŭnamoctvy pa testavańni novych madelaŭ ŠI z usiaho śvietu pierad tym, jak jany buduć vypuščany dla šyrokaha vykarystańnia.
Pakul što da hetaha nie dajšło. Mahčyma, bolš kankretnyja kroki buduć vypracavany na nastupnych samitach, jakija ciapier buduć adbyvacca kožnyja šeść miesiacaŭ.
Čytajcie jašče:
Štučny intelekt u ofisie nie dadaje rabotnikam ščaścia
Štučny intelekt: jak Google płanuje pierachapić lidarstva ŭ hetaj halinie
Štučny intelekt dapamoh pračytać tablički z klinapisam, jakim piać tysiač hadoŭ
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
II - v priezidienty!
V sudy i v mienty!