Siońnia treciaja hadavina śmierci abaronca Płoščy Pieramien Ramana Bandarenki. Mužčynu žorstka źbili siłaviki ŭ cyvilnym, zavieźli ŭ milicyju, adkul nieprytomnym jaho zabrała chutkaja. Pamior jon u balnicy. Paśla śmierci jaho sprabavali dyskredytavać.
11 listapada 2020 hoda blizu 22 hadziny nieviadomyja ŭ maskach pryjechali na Płošču Pieramien (nieaficyjnaja nazva dvara ŭ Minsku na skryžavańni vulic Čarviakova, Kachoŭskaj i Smorhaŭskaha traktu) z namieram zrezać bieł-čyrvona-biełyja stužki.
U dvary ŭžo sabrałasia hramada žycharoŭ, jakija aburalisia dziejańniami nieviadomych u maskach. Tyja ŭ adkaz nakinulisia na ludziej. Zaviazałasia bojka.
Pavodle źviestak byłych siłavikoŭ, heta Dźmitryj Baskaŭ, Dźmitryj Šakuta, Natalla Ejsmant, Hanna Ejsmant, Pavieł Voŭčak, Žaneta Voŭčak.
Pavodle vidavočcaŭ, na Bandarenku napaŭ adzin ź nieviadomych. Heta bačna na apublikavanym videa. Raman ad mocnaha šturška ŭdaryŭsia hałavoj ab dziciačuju horku i ŭpaŭ, ale jaho praciahvali źbivać. Paśla za ruki i nohi zanieśli ŭ mikraaŭtobus.
Paźniej stała viadoma, što Bandarenku schapili bajcy śpiecyjalnaha atrada chutkaha reahavańnia.
U ciažkim stanie jaho pieradali supracoŭnikam AMAPa. MUS śćviardžała, što jon byŭ u stanie ałkaholnaha apjanieńnia, ale heta było niapraŭdaj.
Dyjahnastavanaje krovaźlićcio ŭ tyja adździeły mozha, jakija adkazvajuć za žyćciova važnyja pracesy arhanizma. U balnicy chutkaj dapamohi zroblenaja trepanacyja čerapa.
Śledčy kamitet nastojvaŭ, što pamierły byŭ dastaŭleny ŭ milicyju pabitym, u stanie ałkaholnaha apjanieńnia.
Pamior Raman Bandarenka 12 listapada 2020 hodu.
Pa śmierci Ramana jaho cieła niekalki dzion nie addavali rodnym.
18 lutaha 2021 hoda Hienieralnaja prakuratura Respubliki Biełaruś raspačała kryminalnuju spravu pa fakcie naŭmysnaha pryčynieńnia ciažkaha cialesnaha paškodžańnia, jakoje paciahnuła śmierć pa nieaściarožnaści.
20 listapada Ramana Bandarenku pachavali na Paŭnočnych mohiłkach Minska. Raźvitacca ź im pryjšli tysiačy ludziej. Mahiła patanała ŭ kvietkach.
26 listapada na siesii Jeŭraparłamienta adbylisia terminovyja debaty na temu «Niaspynnyja parušeńni pravoŭ čałavieka ŭ Biełarusi, u pryvatnaści zabojstva Ramana Bandarenki», padčas jakich deputaty rezka asudzili represiŭnyja dziejańni biełaruskich uładaŭ i zaklikali da pašyreńnia pakieta sankcyj.
Kryminalnaj spravy tak i nie adnaŭlali, a vinavatyja ŭ śmierci Ramana Bandarenki dahetul aficyjna nie ŭstanoŭlenyja.
«Naša Niva» — bastyjon biełaruščyny
PADTRYMAĆ«Na raźvitańnie my z synam abnialisia» — maci Ramana Bandarenki. VIDEA
Jany adyšli ad nas u 2020 hodzie
Na płoščy Pieramien iznoŭ byli siłaviki. Zatrymali adnaho mužčynu
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary