Rasijanie ŭnačy ŭdaryli pa Sialidavie ŭ Danieckaj vobłaści. Razburany šmatpaviarchovy dom
Udałosia vyratavać piać čałaviek, u tym liku dzicia.
Fota z telehrama Ihara Klimienki
Siońnia nočču praciŭnik nanios rakietny ŭdar pa horadzie Sialidava Pakroŭskaha rajona Danieckaj vobłaści. U vyniku razburany padjezd 4-paviarchovaha žyłoha doma, paviedamiŭ u svaim telehramie ministr unutranych spraŭ Ukrainy Ihar Klimienka.
Na miescy abstrełu supracoŭniki MNS sumiesna z palicyjaj vyratavali paranienych mužčynu i žančynu, jakija byli dastaŭleny ŭ miedycynskuju ŭstanovu.
Taksama ratavalniki dapamahli vybracca z paškodžanaj kvatery na 4-m paviersie trom čałaviekam, u tym liku dziciaci.
Pad zavałami znajšli cieła zahinułaj žančyny. Vierahodna, pad ruinami jašče zastaŭsia chacia b adzin čałaviek.
Kamientary