«Prajekt» detalova praanalizavaŭ, kali Pucin trymaŭ dystancyju z surazmoŭcami, a kali nie. Ale na vysnovy nie navažyŭsia
Vydańnie «Prajekt» praanalizavała dziejnaść prezidenta Rasii Uładzimira Pucina za apošni hod. Žurnalisty pasprabavali razabracca, čamu ŭ adnych vypadkach Pucin padčas publičnych mierapryjemstvaŭ znachodzicca na vialikaj dystancyi ad surazmoŭcaŭ, a padčas druhich hetaj dystancyi niama.
Jak padličyli žurnalisty, z 1 listapada 2022 hoda pa 31 kastryčnika 2023 hoda Pucin udzielničaŭ u 521 aficyjnym mierapryjemstvie.
Na 43% sustreč, śćviardžajuć aŭtary, dobra bačna, što Pucin tak ci inakš trymajecca na dystancyi ad svaich surazmoŭcaŭ (vystupaje pa videasuviazi albo znachodzicca ad aŭdytoryi na adlehłaści jak minimum niekalki mietraŭ).
U 36% vypadkaŭ Pucin nie dystancyjavaŭsia ad udzielnikaŭ mierapryjemstvaŭ, adnak jany, pa danych «Prajektu», pierad sustrečaj z prezidentam, znachodzilisia na karancinie. Ludzi, jakija ŭvieś čas supravadžajuć kiraŭnika dziaržavy, pravodziać čas u tak zvanaj «čystaj zonie», heta značyć u pansijanacie, dzie žyvuć i pracujuć tolki ludzi, jakija prajšli karancin.
U 21% vypadkaŭ Pucin, pa padlikach «Prajektu», blizka kantaktavaŭ ź ludźmi, jakija nie siadzieli na karancinie. Havorka idzie ab zamiežnych vizitach, sustrečach z zamiežnymi lidarami, a taksama vypadkami «spantannych» znosin Pucina ź ludźmi na vulicach paśla niejkich mierapryjemstvaŭ.
U cełym zakanamiernaść «Prajektu» vyvieści nie ŭdałosia.
Vydańnie tolki zhadvaje čutki pra isnavańnie dvajnikoŭ Pucina. Jak śćviardžaje «Prajekt», navat niekatoryja žurnalisty kramloŭskaha puła dapuskajuć isnavańnie dvajnikoŭ.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club10
Kamientary
jeinnyj?