Prezident Arhienciny palacieŭ zvyčajnym samalotam. I heta samalot «Biełavija»
Novy prezident Arhienciny Chaŭjer Milej viadomy svaim imknieńniem da skaračeńnia dziaržaŭnych vydatkaŭ, a taksama epatažnaściu i papulizmam. Tamu vybar zvyčajnaha rejsa dla pieralotu adpaviadaje jaho imidžu. Ale pryčym tut «Biełavija»?
Niadaŭna ŭ sacyjalnych sietkach raspaŭsiudziłasia videa, na jakim vidać, jak prezidenta Arhienciny Chaŭjera Mileja ciopła vitajuć na avijaborcie. Ale ŭ hetaj padziei jość jašče adna admietnaść — sam samalot. Na kadrach videa dobra vidać, što ŭ azdobie sałona prysutničaje simvolika biełaruskaha avijapieravozčyka — siniaja vałoška.
Jak samalot «Biełavija» patrapiŭ u Arhiencinu? Pryčynaj hetamu pasłužyli sankcyi, uviedzienyja suprać biełaruskaha režymu i avijapieravozčyka. Jak piša internet-resurs Simple Flying, pieršapačatkova samalot Boeing 737 MAX (mienavita ŭ jaho sałona źniaty Milej) byŭ vypuščany śpiecyjalna dla «Biełavija» i svoj pieršy palot ździejśniŭ u kastryčniku 2021 hoda.
Jašče ŭ 2018 hodzie «Biełavija» padpisała lizinhavuju damovu na nabyćcio piaci samalotaŭ Boeing 737 MAX 8, jakimi płanavałasia zamianić sastarełyja Boeing 737-300 i B737-500. U krasaviku 2021 hoda «Biełavija» paśpiachova atrymała pieršy. Adnak nieŭzabavie byli ŭviedzienyja sankcyi, jakija nie dazvolili pieradać astatnija samaloty biełaruskamu boku. Tamu vytvorca pieranakiravaŭ ich avijapieravozčykam inšych krain.
Novy samalot, jaki staŭ siomym takoha typu ŭ parku Aerolíneas Argentinas, pastupiŭ ź niekatorymi frahmientami liŭrei «Biełavija». Tak, na chvaście prysutničaŭ łahatyp biełaruskaj avijakampanii. Paźniej samalot pierafarbavali. Ale ŭ sałonie, jak možna zaŭvažyć, zastalisia niekatoryja elemienty, ułaścivyja biełaruskaj avijakampanii.
Čytajcie jašče:
«Biełavija» raskazała pra vyniki hoda i płany pa novych rejsach
Kolkaść samalotaŭ, što lotajuć praź biełaruskuju pavietranuju prastoru, skaraciłasia ŭ 10 razoŭ
Ciapier čytajuć
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi4
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4545
Kamientary