ZŠA i Turcyja prypyniajuć vykarystańnie adnoj z madelaŭ Boeing — u samalota ŭ palocie sarvała avaryjnyja dźviery
Incydent z Boeing 737 MAX 9 zdaryŭsia 5 studzienia 2024 hoda. U samalota avijakampanii Alaska Airlines u palocie sarvała dźviery avaryjnaha vychadu. Samalot pryziamliŭsia ŭ amierykanskim Portłendzie praz 35 chvilin paśla ŭźlotu. U im byli 171 pasažyr i 6 členaŭ ekipažu. Paviedamlałasia, što nichto nie paciarpieŭ.
Ciapier Fiederalnaje ŭpraŭleńnie hramadzianskaj avijacyi ZŠA rasparadziłasia prypynić ekspłuatacyju niekatorych samalotaŭ hetaj madeli — u avijakampanijach ZŠA i na terytoryi Štataŭ.
Dapuścić da palotaŭ hety Boeing mohuć tolki paśla pravierki (fiederalnaje ŭpraŭleńnie vydała adpaviednuju dyrektyvu). Miarkujecca, što heta zakranie 171 samalot u śviecie. Na pravierku kožnaha spatrebicca 4-8 hadzin.
Hetu dyrektyvu pryniali i ŭ Jeŭrapiejskim ahienctvie biaśpieki palotaŭ, paviedamlaje Reuters. Ale treba adznačyć, što jeŭrapiejskija avijakampanii nie vykarystoŭvajuć Boeing 737 MAX 9.
Tureckaja kampanija Turkish Airlines prypyniła vykarystańnie piaci samalotaŭ hetaj madeli, kab pravieryć ich.
Bolšaść Boeing 737 MAX 9 ekspłuatujuć amierykanskija pieravozčyki United Airlines i Alaska Airlines — 79 i 65 adpaviedna, pryvodzić ličby Bloomberg.
Heta nie pieršy raz, kali prypyniajuć vykarystańnie dadzienaj madeli samalota. U 2018-m i 2019-m zdarylisia dźvie avijakatastrofy z udziełam hetaha Boeing (u Indanezii i Efiopii), u jakich ahułam zahinuli 346 čałaviek.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary