Pamiatajecie karespandenta BT, jakomu ŭ 2020-m plunuli ŭ tvar na pratestach? Jon śćviardžaje, što heta jašče nie ŭsio
Alaksandr Charaviec u 2020-m byŭ zvyčajnym karespandentam BT. Ciapier jon kiraŭnik Hałoŭnaj dyrekcyi internet-viaščańnia Biełteleradyjokampanii. Jon padzialiŭsia ŭspaminami pra svaju pracu na pratestach 2020 hoda.
U kastryčniku 2020-ha ŭ časie zapisu siužetu adzin z udzielnikaŭ maršu plunuŭ Charaŭcu ŭ tvar. Paźniej hetaha čałavieka zatrymali i skłali na jaho try pratakoły. Na videa, zapisanym siłavikami, mužčyna paprasiŭ prabačeńnia ŭ karespandenta.
U prahramie «Skažiniemołči» Charaviec skazaŭ, što adrazu prabačyŭ jamu. Supracoŭnik BT kaža, što ŭ momant, kali ŭsio heta adbyłosia, chacieŭ adkazać pa-mužčynsku, ale nie staŭ paddavacca na pravakacyju.
«Jak tolki ŭ toj dzień my ŭvajšli ŭ natoŭp, to adrazu zrazumieli, što niešta budzie. Tamu što (hetaha niama ni na adnym kadry, i ŭ nas heta nie zafiksavana) nas z apierataram adrazu pačali bić u natoŭpie pa nahach. My litaralna prajšli jašče sto mietraŭ, jak adbyŭsia voś hety plavok.
Ja razumieŭ, što nie maju prava adreahavać tak, jak chočuć «nievierahodnyja». Tamu što ŭ pieršuju čarhu ja padstaŭlu siabie (čaho jany tolki i čakajuć). I adreahavaŭ pa-inšamu, tak, jak jany nie čakali. Potym jašče byŭ udar apierataru ŭ tvar. Zatym praź niejkich paŭhadziny nas ablili farbaju. A da hetaha nas zacisnuli ŭ koła i pačali, što nazyvajecca, źbivać. Pry hetym apierataru nie davali mahčymaści padniać kamieru, kab jon niekaha zafiksavaŭ», — śćviardžaje Charaviec.
Jon padzialiŭsia taksama, što na pratesty jaho nichto nie pasyłaŭ. Heta nie było zadańnie ad redakcyi — jon prajaviŭ ułasnuju inicyjatyvu. Pryčynu patłumačyŭ nastupnym čynam:
«Mahčyma, heta budzie pafasna hučać, ale ja tady adčuvaŭ, što pavinien być tam, na miescy padziej, i pa-reparciorsku raspaviadać usiu praŭdu, što nasamreč robicca ŭ centry natoŭpu.
Što tam jość pravakatary, i čaho chočuć na samoj spravie ŭsie tyja biehłyja, jakija siońnia chavajucca za miažoju. Palityka taho boku była mnie vielmi nie blizkaj».
Čytajcie jašče:
Što za karespandent BT čaplajecca da padletkaŭ na niadzielnych maršach?
-
Muzyčny kiraŭnik dziciačaha sadka z Karmy razam z žonkaj staŭ zorkaj sacsietak. Užo navat buchoha Ihara abyšoŭ
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
Kamientary