Mahčymaje zakryćcio raniej nie abmiarkoŭvałasia i stała «poŭnaj niečakanaściu i šokam» dla mieniedžmientu.
U troch pryhraničnych z Rasijaj haradach Finlandyi — Imatry, Joensuu i Łapieenranta — zakryjucca škoły z navučańniem na ruskaj i finskaj movach. Adpaviednaje apaviaščeńnie praŭleńnie Fondu finska-ruskaj «Škoły Uschodniaj Finlandyi», jaki kiruje navučalnymi ŭstanovami, nakiravała baćkam vučniaŭ, pišuć «Viedamaści» sa spasyłkaj na dakumient.
U liście ad imia hienieralnaha dyrektara sietki škoł Katry Antyły havorycca, što mahčymaje zakryćcio raniej nie abmiarkoŭvałasia i stała «poŭnaj niečakanaściu i šokam» dla mieniedžmientu.
Adna z pryčyn zakryćcia bilinhvalnych škoł — nieabchodnaść refarmavać sistemu adukacyi i ekanomić srodki, adznačyŭ pradstaŭnik administracyi Łapieenranty.
Inšaja pryčyna — skaračeńnie kolkaści dziaciej, a taksama padzieńnie papularnaści vyvučeńnia ruskaj movy ŭ pačatkovych kłasach. Tak, u 2022 hodzie ŭ Joensuu i Mikieli ruskuju movu ŭ jakaści dadatkovaj vybrali dla vyvučeńnia bolš za 100 dziaciej, a praz hod — mienš za 30.
Pa słovach Antyły, paśla zakryćcia suchaputnaj miažy z Rasijaj u Finlandyi adpała nieabchodnaść u śpiecyjalistach ź viedańniem ruskaj u takich tradycyjnych śfierach, jak turyzm i handal.
Adnak jany ŭsio jašče patrebnyja ŭ žurnalistycy, sistemie abarony i kibierbiaśpieki, a taksama słužbie zaniataści i achovie zdaroŭja.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary