Što za bieraściejec, jakoha KDB vystaŭlaje ŭkrainskim dyviersantam? U sacsietkach jon adept «ruskaha śvietu» i prychilnik Rasii ŭ vajnie
U sacsietkach Vital Ułasiuk dziakuje biełaruskamu AMAPu za toje, što jon «nie ŭstaŭ na kaleni i nie pradaŭ krainu Zachadu».
Zatrymanamu Vitalu Ułasiuku 53 hady. Jon naradziŭsia ŭ Turkmienistanie, u horadzie Kiził-Arvat (ciapier — Hyzyłarbat). Imavierna, u siamji vajskoŭca, bo tady ŭ horadzie baziravaŭsia štab 58-j matastrałkovaj dyvizii.
Viadoma, što niekali jon słužyŭ u vajskovaj častcy №92161 — heta 38-ja asobnaja hvardziejskaja desantna-šturmavaja bryhada, jakuju niekali ŭznačalvaŭ Valeryj Sachaščyk.
Pa źviestkach «Biełpoła», jakija cytuje «Miedyjazona.Biełaruś», Ułasiuk pracavaŭ mantažnikam. Čym jon zajmaŭsia ŭ apošni čas, dakładna nieviadoma. U telehramie mužčyna cikaviŭsia pošukam pracy, u tym liku ŭ Polščy i inšych krainach zamiežža.
A ŭ sacsietkach mužčyna publikuje dy łajkaje ŭ asnoŭnym materyjały, jakija prasłaŭlajuć «ruski śviet» i vajnu, a taksama plažać ruch za svabodnyja vybary ŭ Biełarusi.
Taksama jon udzielničaŭ u ruskamirskich mierapryjemstvach — da prykładu, u «nieśmiarotnym pałku».
KDB zajaviŭ, što pravioŭ «kontrterarystyčnuju apieracyju», kab zatrymać «ahientaŭ SBU», jakija byccam płanavali terakty ŭ Rasii i Biełarusi. Niezrazumieła, jak pohlady mužčyny stykujucca z takim aznačeńniem.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha41
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu142142
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu142
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary