Siońnia — Jeŭrapiejski dzień kata. Čym paradavać pryhožych ulubioncaŭ?
Heta vydatnaja nahoda pakazać katam i kotkam, jak vy ich lubicie.
Jeŭrapiejski dzień kata źjaviŭsia ŭ 1992 hodzie. Jaho inicyjataram stała italjanskaja žurnalistka Kłaŭdyja Anželeci.
Čamu 17 lutaha? Kłaŭdyja abrała jaho pa dźviuch pryčynach. Pa-pieršaje, pa zadyjaku hety dzień znachodzicca pad zastupnictvam Vadaleja, a heta svabodalubny i źmienlivy znak, jaki vielmi padychodzić pad kaciny charaktar.
Pa-druhoje, syhrała rolu i simvolika ličby 17, jakuju možna było traktavać jak adno žyćcio siem razoŭ.
Tamu i vyrašyli zrabić Dzień kata 17 lutaha.
Jak paradavać ulubioncaŭ
Jość niekalki varyjantaŭ, jak možna cikava adśviatkavać Dzień kata: kali ŭ vas jość kot, paradujcie jaho čym-niebudź smačnieńkim abo kupicie jamu lubimy korm ci łasunak.
Padarycie katu padarunak — upeŭnienyja, što novaja cacka spadabajecca lubomu ź ich. Padarunkam moža być miačyk, jaki źvinić, abo myška.
Achviarujcie ŭ Dzień kata hrošy dla prytułku — zrabicie ščaślivymi jašče niekalki pušyścikaŭ.
Kali taki prytułak jość niedaloka ad vas, možna samomu adnieści tudy korm abo cacki dla kocikaŭ i pahulać ź imi ci papracavać tam vałancioram.
Kali ŭ vas niama kata — vaźmicie jaho z prytułka.
Urešcie siamja i dom stanuć najlepšym padarunkam dla žyvioły. A kacinaja łaska, ciapło i varkatańnie buduć najlepšaj uznaharodaj dla vas na doŭhi čas.
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty8
Kamientary