Inśpiektara mytnaj słužby praciahnuć sudzić za «zdradu dziaržavie» prosta ŭ SIZA-1
Imavierna, jaho sprava vyłučana ŭ asobnuju vytvorčaść, ale sud nad inšymi pakul nie pryznačany.
U Minskim haradskim sudzie z 10 kastryčnika ŭ zakrytym režymie sudzili troch supracoŭnikach mytnaj słužby Jaŭhiena Hurynoviča, Viktara Novika, Uładzimira Žuromskaha. Ahułam ich sudzili pa vaśmi artykułach Kryminalnaha kodeksa, piša «Viasna».
Aproč inšaha, ich abvinavačvajuć u «zdradzie dziaržavie», «sadziejničańni ekstremisckaj dziejnaści», «pieravyšeńni słužbovych paŭnamoctvaŭ», «raspalvańni inšaj sacyjalnaj varožaści», «stvareńni ci ŭdziele ŭ ekstremisckim farmavańni». Padrabiaznaści spravy i pryčyny pieraśledu pravaabaroncam nieviadomyja. Adrazu praces viała Dzina Kučuk, a potym jaje zamianiŭ Siarhiej Chrypač.
Ciapier pravaabaroncam stała viadoma, što 27 lutaha praciahnuć sudzić pa hetaj spravie tolki 31-hadovaha mytnaha inśpiektara Jaŭhiena Hurynoviča. Miesca pracesu — SIZA-1. Ci moža heta być sa stanam zdaroŭja mužčyny — nieviadoma. Sudździoj pryznačany Jaŭhien Pisarevič.
Padtrymajcie viaźnia: SIZA № 1, 220030, Minsk, Vaładarskaha, 2, Jaŭhien Ivanavič Hurynovič
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary