Na pasiadžeńni PA ABSIE pradstaŭniki Łukašenki nie stali słuchać Cichanoŭskuju
Na siesii Parłamienckaj asamblei ABSIE, jakaja hetymi dniami prachodzić u Vienie, biaruć udzieł dźvie delehacyi ad Biełarusi — ad režymu Łukašenki na čale z deputatam Pałaty pradstaŭnikoŭ Andrejem Savinych i ad demakratyčnych siłaŭ na čale sa Śviatłanaj Cichanoŭskaj.
Jak užo tradycyjna skłałasia, pradstaŭniki Łukašenki padčas vystupleńnia Cichanoŭskaj zrabili demarš i pakinuli zału tady, kali joj dali słova. Pry hetym Savinych arhumientavaŭ heta tym, što «zaprošanaja asoba, jakaja znachodzicca pad śledstvam».
Śviatłana Cichanoŭskaja ŭ svaim vystupleńni raskazała pra situacyju z palitviaźniami, pra adsutnaść vybaraŭ i niepryznańnie «biazvybaraŭ» 25 lutaha, zaklikała nie pryznavać novapryznačany «parłamient» i nie zaprašać čalcoŭ hetaha nielehitymnaha ŭtvareńnia na siesii PA ABSIE. Taksama jana zaklikała da rašučaści i niestandartnych rašeńniaŭ.
Andreju Savinych słova taksama dali, jon jak zvyčajna ŭ takich vypadkach havaryŭ pra nieabchodnaść pieramoŭ dla «adnaŭleńnia miechanizmaŭ biaśpieki ŭ Jeŭropie» i pra «dobrasusiedstva Biełarusi».
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Chopić žavać hetuju apastyłuju humku!