«Čorny dzień dla SSA». USU paviedamili pra hibiel bajcoŭ 73-ha centra śpiecapieracyj
Rasijskija ŚMI paviedamlajuć pra hibiel 20 ukraincaŭ.
Pry vykanańni bajavoha zadańnia ŭ sutyknieńni z rasijskimi vajskoŭcami zahinuli vajskoŭcy ŭkrainskaha 73-ha marskoha centra śpiecyjalnych apieracyj.
«Zabiaśpiečvajučy adychod asnoŭnych sił hrupy paśla vykanańnia śpiecyjalnaha zadańnia voiny pryniali svoj apošni boj, naviečna zastaŭšysia ŭ strai», — havorycca ŭ paviedamleńni Sił śpiecapieracyj. Padrabiaznaści zadańnia i dzie jaho vykonvali vajskoŭcy USU nie ŭdakładniajucca. Kolki čałaviek zahinuła, nie paviedamlajecca.
Čynoŭniki anieksavanaj RF Chiersonskaj vobłaści i prapahandysckija rasiejskija vydańni paviedamili, što hrupa ŭkrainskich dyviersantaŭ sprabavała vysadzicca na Tendraŭskaj kasie na poŭdni Chiersonskaj vobłaści, piša «Mieduza».
Staršynia miascovaha prarasijskaha ruchu «My razam z Rasijaj» Uładzimir Rohaŭ zajaviŭ, što havorka idzie pra hrupu 73-ha marskoha centra VMS Ukrainy, jakaja była praktyčna całkam «źniščanaja» rasijskimi vajskoŭcami.
Prakramloŭski telehram-kanał Mash paviedamiŭ, što ŭkrainskija vajskoŭcy sprabavali vysadzicca na Tendraŭskaj kasie na piaci łodkach. U vyniku boju vajskoŭcy RF padbili čatyry łodki, piataj atrymałasia spłyści. Jak śćviardžajecca, zahinuli nie mienš za 20 ukrainskich vajskoŭcaŭ, adzin byŭ paranieny i trapiŭ u pałon. Rasiejskija vajskoŭcy, piša Mash, zachapili niekalki vintovak, kulamiotaŭ i hranatamiotaŭ, u tym liku vytvorčaści ZŠA i Niamieččyny.
Ukrainskaje vydańnie «Strana» adznačyła, što 28 lutaha ŭ sacsietkach ukrainskich vajskoŭcaŭ źjavilisia paviedamleńni pra «čorny dzień dla SSA». U kamientarach vajskoŭcy zadavalisia pytańniem ab metazhodnaści apieracyi na Tendraŭskaj kasie, jakaja znachodzicca ŭ hłybokim tyle vojskaŭ RF.
Čytajcie taksama:
Rasija maje płan vajny z Kitajem — FT
Za dziesiać dzion rasijskaja armija prasunułasia na piać kiłamietraŭ na ŭschodzie Ukrainy
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki7
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary