Trahiedyja ŭ Hazie: bolš za 110 paleścincaŭ zahinuli ŭ ciskaninie i pad kołami hruzavikoŭ z humanitarnaj dapamohaj
Adzin paleściniec-śviedka paćvierdziŭ, što bolšaść zahinułych byli źbityja mašynami.
Bolš za 110 paleścincaŭ zahinuli ŭ ciskaninie ŭ Hazie, kali tudy ŭvajšła aŭtakałona z hruzam humanitarnaj dapamohi, piša Bi-bi-si.
Natoŭp, jaki čakaŭ humanitarnuju dapamohu, akružyŭ kałonu hruzavikoŭ, kali jana prajechała praź Izrailski vajenny kantrolna-prapuskny punkt na prybiarežnaj darozie na zachad ad horada Haza.
Izrailskija vajskoŭcy zajavili, što vojski adkryli ahoń pa niekatorych paleścincach, jakija, jak zdałosia vajskoŭcam, ujaŭlali pahrozu.
U chaosie, jaki ŭźnik, hruzaviki pasprabavali prasunucca napierad. Adzin paleściniec-śviedka paćvierdziŭ, što bolšaść zahinułych byli źbityja mašynami.
Ministerstva achovy zdaroŭja Hazy, padkantrolnaje CHAMAS, abvinavaciła ŭ tym, što adbyłosia, Izrail, a prezident ZŠA Džo Bajden vykazaŭ zaniepakojenaść tym, što hety incydent uskładnić namahańni ZŠA i inšych pasiarednikaŭ pa dasiahnieńni časovaha spynieńnia ahniu ŭ vajnie pamiž Chamasam i Izrailem.
Pradstaŭnik izrailskich uładaŭ Avi Chajman nazvaŭ padziei trahiedyjaj i padkreśliŭ, što pa papiarednich danych pryčynaj hibieli takoj kolkaści ludziej stali kiroŭcy mašyn, jakija ŭ niejki momant zapanikavali i prajechali litaralna praz natoŭp ludziej, jakija čakali prybyćcia humanitarnaj dapamohi.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary