Polšča moža ŭvieści embarha na sielskahaspadarčuju pradukcyju ź Biełarusi i Rasii
Ułady Polščy źbirajucca pracavać nad tym, kab uvieści embarha na sielskahaspadarčuju pradukcyju ź Biełarusi i Rasii. Pra heta 29 lutaha zajaviŭ premjer-ministr krainy Donald Tusk paśla sustrečy ź lidarami pratestujučych fiermieraŭ.
«My budziem pracavać razam nad tym, kab było ŭviedzienaje embarha na rasijskuju i biełaruskuju sielskahaspadarčuju pradukcyju», — skazaŭ Tusk padčas pres-kanfierencyi.
U pryvatnaści, Donald Tusk adznačyŭ, što budzie razmaŭlać ź lidarami kiroŭnaj kaalicyi, padčas čaho budzie ich pierakonvać pryniać adpaviedny zakonaprajekt.
«Mała chto ŭśviedamlaje, što naš rynak u Jeŭropie i ŭ Polščy destabilizavany praduktami z Rasii i Biełarusi. Tamu nieabchodna zrabić usie mahčymyja kroki, kab pierakanać jeŭrapiejskija instytuty ŭ tym, što my pavinny być vielmi surjoznymi ŭ pytańni ŭviadzieńnia lepšych i bolš biaśpiečnych praviłaŭ dla našych krain u dačynieńni da impartu zbožža i praduktaŭ charčavańnia z uschodnich napramkaŭ», — paviedamiŭ kiraŭnik polskaha ŭrada.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary