Premjer-ministr Vienhryi Viktar Orban, jaki niadaŭna pravodziŭ sustreču z Donaldam Trampam, śćviardžaje, što viedaje padrabiaznaści stratehii eks-prezidenta ŭ dačynieńni da Ukrainy.
Pa słovach Orbana, Tramp, jaki moža stać prezidentam ZŠA ad Respublikanskaj partyi, nie maje namieru padtrymlivać Ukrainu – i takim čynam skončyć vajnu, piša VVS.
«U jaho jość vielmi dakładnaje bačańnie, ź jakim ciažka nie pahadzicca, — skazaŭ Orban u intervju vienhierskaj haziecie Magyar Nemzet. — Jon kaža nastupnaje:
Pa-pieršaje, jon nie daść na ŭkrainska-rasijskuju vajnu ni kapiejki. Tamu vajna i skončycca. Bo zrazumieła, što Ukraina nie moža samastojna vystajać. I kali amierykancy nie buduć davać hrošy i zbroju razam ź jeŭrapiejcami, to vajna skončycca. A kali amierykancy nie buduć davać hrošy, jeŭrapiejcy samastojna nie zmohuć finansavać hetuju vajnu. I tady jana skončycca».
Vierahodna majučy na ŭvazie punkt hledžańnia Trampa, Orban dadaŭ, što «kali jeŭrapiejcy bajacca rasijan ci chočuć zabiaśpiečyć bolš vysoki ŭzrovień biaśpieki ŭ cełym, to chaj jany sami za heta płaciać».
«Abo chaj stvarajuć svaju ŭłasnuju armiju i svaju ŭłasnuju techniku, abo, kali chočuć vykarystoŭvać dla hetaha amierykancaŭ, to chaj jany amierykancam płaciać za biaśpieku», — skazaŭ Orban.
Tramp, jaki nie raz uchvalena vykazvaŭsia pra prezidenta Rasii Uładzimira Pucina, abiacaje spynić vajnu Rasii suprać Ukrainy ciaham dnia. Adnak jon nie tłumačyć, jakim mienavita čynam jon choča heta zrabić.
Tym časam prychilniki Trampa ŭ Kanhresie praciahvajuć błakavać zakon ab vydzialeńni Kijevu vajennaj i finansavaj dapamohi.
Orban zastajecca adzinym jeŭrapiejskim lidaram, jaki padtrymlivaje stasunki z Pucinym.
Jon taksama vykazvaŭsia suprać dapamohi Ukrainie i niadaŭna zabłakavaŭ rašeńnie ES ab vydzialeńni Kijevu maštabnaha pakietu finansavaj dapamohi. Vienhryja pahadziłasia źniać svajo vieta tolki paśla taho, jak astatnija lidary Jeŭrasajuza na śpiecyjalnym samicie zajavili Orbanu, što jaho pazicyja ŭ hetych adnosinach niedapuščalnaja.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik33
Kamientary