Rasijskich pamiežnikaŭ z 1 žniŭnia nie budzie ŭ jerevanskim aeraporcie «Zvartnoc»
Pytańnie ab vyvadzie rasijskich pamiežnikaŭ ź jerevanskaha mižnarodnaha aeraporta «Zvartnoc» dla armianskaha boku kančatkova vyrašana. Pra heta 27 sakavika zajaviŭ žurnalistam śpikier parłamienta Armienii Alen Simanian.
«Dla Armienii heta ŭžo vyrašanaje pytańnie. Nie dumaju, što tut jość jakaja-niebudź dyskusija», — skazaŭ Simanian.
Pry hetym jon adznačyŭ, što pastaŭleny premjer-ministram Armienii Nikołam Pašynianam termin spynieńnia pracy rasijskich pamiežnikaŭ u «Zvartnocy» z 1 žniŭnia 2024 hoda zastajecca ŭ sile.
Razam z tym, adznačyŭ armianski śpikier, robicca sproba pradstavić hety praces jak niejkaje parušeńnie miždziaržaŭnaha pahadnieńnia, jakoje było zaklučanaje z metaj dapamohi armianskim pamiežnikam na hetym učastku. Ciapier ža, pa jaho słovach, nieabchodnaści ŭ hetym bolš niama.
27 lutaha śpikier parłamienta Armienii Alen Simanian zajaviŭ, što rasiejskija pamiežniki pavinny pakinuć jerevanski mižnarodny aeraport «Zvartnoc». Jerevan piśmova paviedamiŭ Maskvie pra spynieńnie pracy rasijskich pamiežnikaŭ u aeraporcie «Zvartnoc» z 1 žniŭnia 2024 hoda.
Premjer-ministr Armienii Nikoł Pašynian zajaŭlaŭ u hetym kantekście, što «armianskaja pamiežnaja słužba, u pryvatnaści ŭ aeraporcie «Zvartnoc», užo nabyła dastatkovyja navyki i vopyt dla taho, kab nieści pamiežnuju słužbu ŭ aeraporcie biez sadziejničańnia rasijskaha boku».
Kamientary