U Zambii sustreča hrupy turystaŭ sa słanom skončyłasia trahiedyjaj
Na terytoryi nacyjanalnaha parku Kafue, što na poŭłni Afryki, słon napaŭ na hrupu turystaŭ. Ad atrymanych traŭmaŭ 80-hadovaja amierykanka pamierła. Jak paviedamlaje The Telegraph, incydent adbyŭsia padčas fotatura ŭ nacyjanalnym parku.
Da aŭtamabila z šaściu turystami ŭ peŭny momant padyšoŭ darosły słon. Paźniej jon pačaŭ haniacca za mašynaj, jakaja chutka adjazdžała. Ale žyviolina dahnała aŭtamabil i dvojčy jaho pierakuliła.
80-hadovaja turystka z ZŠA paśla pamierła ad atrymanych traŭmaŭ, jašče adna turystka znachodzicca ŭ balnicy. Inšym členam hrupy akazali miedycynskuju dapamohu na miescy.
Hałoŭny vykanaŭčy dyrektar kampanii Wilderness Zambia, jakaja arhanizavała adpačynak hrupy, rastłumačyŭ, što trahičnaj sustrečy sa słanom nie ŭdałosia paźbiehnuć z-za asablivaściaŭ miascovaści.
«Usie našyja hidy nadzvyčaj dobra padrychtavanyja i daśviedčanyja, ale, na žal, u hetym vypadku reljef i raślinnaść byli takimi, što maršrut hida byŭ zabłakavany, i jon nie zmoh dastatkova chutka pieramiaścić transpartny srodak ź niebiaśpiečnaha šlachu», — adznačyŭ jon.
Kamientary