Za paŭhoda ŭ Polščy zatrymali 18 čałaviek za suviazi z rasijskimi i biełaruskimi śpiecsłužbami
Ahulnaja kolkaść usich aryštavanych sa śniežnia minułaha hoda ŭ suviazi ź dziejańniami rasijskich i biełaruskich śpiecsłužbaŭ na terytoryi Polščy składaje 18 čałaviek, zajaviŭ 3 červienia ministr unutranych spraŭ i administracyi hetaj krainy Tomaš Siemoniak.
«U nas niama nijakich sumnievaŭ u tym, što na zahad śpiecsłužby zamiežnaj dziaržavy, a mienavita Rasii, dziejničajuć ludzi, hatovyja pahražać žyćciu, zdaroŭju, majomaści polskich hramadzian», — skazaŭ ministr.
Na dadzieny momant, pavodle słoŭ čynoŭnika, «dziakujučy vielmi efiektyŭnym dziejańniam Ahienctva ŭnutranaj biaśpieki i palicyi 10 čałaviek znachodziacca pad vartaj mienavita pa abvinavačvańni ŭ płanavańni abo sprobie ździajśnieńnia aktaŭ sabatažu».
«Inšyja historyi z hetych 18 byli taksama niepasredna nakiravanyja na naniasieńnie ŭdaru pa biaśpiecy polskaj dziaržavy», adna ź ich źviazanaja sa sprobaj «ździejśnić abo arhanizavać zamach na prezidenta Ukrainy».
Pavodle acenki polskaha ministra, takaja dziejnaść — častka «vialikaha cełaha, jakoje ŭklučaje ŭ siabie rasijskija ci biełaruskija kibierataki abo cisk na miažy».
Da padpałaŭ u polskich handlovych centrach datyčny imavierny ziać biełaruskaha dypłamata
Adnym z zatrymanych u Polščy pa «spravie ab padpałach» biełarusaŭ moža być raniej sudzimy były bajec MMA
Łatuška pra hrupu biełaruskich dyviersantaŭ, zakinutych u Jeŭrasajuz: Metaj moža być likvidacyja jak mianie, tak i Sachaščyka
Polskija śpiecsłužby zatrymali dvuch biełarusaŭ — ich vinavaciać u padrychtoŭcy dyviersij pa zadańni Kramla
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary