Z-za pamyłki infakijoska mužčyna praterminavaŭ kredyt. Jak być?
Jaŭhien sprabavaŭ papoŭnić bankaŭskuju kartku praź infakijosk, ale adbyŭsia zboj. Mužčyna zapeŭnivaje, što praz heta ŭ jaho ŭźnikła zapazyčanaść, ale bank nie zachacieŭ ničoha kampiensavać. Chto maje racyju, raźbiraŭsia Onliner.by.
— Ja ŭstaviŭ u kupiurapryjomnik infakijoska 200 rubloŭ adnoj papierkaj. Ale na ekranie jak było napisana: «uniesiena 0 rubloŭ», tak i zastałosia. Hetymi hrašyma ja chacieŭ apłacić «kamunałku» i pahasić kredyt inšaha banka, — raspaviadaje Jaŭhien.
Mužčyna kaža, što z-za zboju ŭ infakijosku jon nie moh raźličycca pa kredycie (kupiura zastałasia ŭ infakijosku, jaje viarnuli paźniej), pracenty kapali, a praterminoŭka skłała 6 dzion.
«Čamu bank admaŭlajecca mnie kampiensavać hetyja dadatkovyja vydatki? Heta ich infakijosk jak by vinavaty ŭ situacyi», — ličyć jon.
Jaŭhien zapeŭnivaje, što inšaj mahčymaści pahasić kredyt u jaho nie było, piśmovy adkaz ad banka jon pakul nie atrymaŭ, ale ŭ hutarcy z supracoŭnikam arhanizacyi prahučała, što ŭ finustanovy ŭ hetaj situacyi niama dadatkovych abaviazacielstvaŭ.
Što rabić u takim vypadku? Kamientuje juryst Taćciana Revinskaja.
— Sapraŭdy, takija situacyi niaredkija, što abumoŭlena jak źniešnimi, tak i ŭnutranymi prablemami banka: adsutnaść suviazi ŭ momant apieracyi, zboj prahramnaha zabieśpiačeńnia. Varta adrazu ž paviedamić ab situacyi banku, jaki, jak pakazvaje praktyka, reahuje apieratyŭna.
Sa słoŭ hieroja možna zrabić vysnovu, što bank nie ŭhledzieŭ svajoj adkaznaści ŭ situacyi. Vierahodna, i mužčyna, pierakanaŭšysia, što płaciož nie prajšoŭ, mieŭ mahčymaść ździejśnić płaciož pa kredycie paŭtorna inšym sposabam.
U hetaj situacyi možna paraić źviarnucca ŭ bank z prośbaj nie naličvać pracenty pa kredycie z pryčyny praterminoŭki płaciažu, abhruntavaŭšy svaju prośbu takim «fors-mažoram». Kali bank admović, možna źviarnucca ŭ sud, padaŭšy dakumientalnaje abhruntavańnie svaich patrabavańniaŭ.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary