Minčuk pabiŭ barmienaŭ u kafe za toje, što jany nie chacieli ŭklučać pieśni dla jahonaj žonki
Na razhlad u sud nakiravali kryminalnuju spravu suprać 35-hadovaha minčuka, jakoha vinavaciać u złosnym chulihanstvie.
Mužčyna hulaŭ pa horadzie z byłoj žonkaj. Pad ranicu jany zajšli ŭ bar na praśpiekcie Pieramožcaŭ u Minsku. Paśla zamovy žančyna pačała prasić dziaŭčynu-barmiena ŭklučyć joj peŭnuju pieśniu, ale taja admaŭlała.
Pačaŭsia kanflikt. Kavaler vyrašyŭ abaranić svaju pakryŭdžanuju spadarožnicu i pajšoŭ šukać dyrektara bara. Na druhim paviersie jon znajšoŭ druhoha barmiena, jaki spaŭ na kanapie, i pačaŭ jaho źbivać. Kaleha paciarpiełaha pasprabavała adciahnuć ahresara, ale atrymała niekalki ŭdaraŭ pa hałavie.
Skončyć kanflikt dapamahli inšyja naviedniki, jakija vyklikali milicyju.
Suprać mužčyny raspačali kryminalnuju spravu. Vinu jon całkam pryznaŭ, pierad paciarpiełymi paprasiŭ prabačeńnia i vypłaciŭ im kampiensacyju 600 rubloŭ.
Minčuku pahražaje da 6 hadoŭ pazbaŭleńnia voli. Raniej jaho ŭžo sudzili za padobnyja złačynstvy.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary