Pra toje, što čałaviek, jaki stralaŭ u Donalda Trampa, miortvy, paviedamili amierykanskija ŚMI.
Strałka zabili supracoŭniki Sakretnaj słužby, paviedamlaje telekanał CBS.
Pra śmierć mierkavanaha strałka taksama piša žurnalistka The Washington Post Merył Kornfiłd sa spasyłkaj na akruhovaha prakurora horada Batlera, dzie adbyłasia stralanina.
Aficyjna infarmacyi pra śmierć padazravanaha ŭ stralbie nie pastupała. Chto hety čałaviek i jakija byli jaho matyvy, taksama pakul nieviadoma.
Ahienctva Associated Press sa spasyłkaj na dvuch supracoŭnikaŭ pravaachoŭnych orhanaŭ paviedamiła, što stralba na mitynhu Trampa rasśledujecca jak sproba zamachu, a strałok znachodziŭsia nie ŭnutry pierymietra, dzie prachodziŭ vystup.
CBS u svaim žyvym efiry padkreślivaje, što na takich mitynhach zaŭsiody ŭzmocnienyja miery biaśpieki, ludziej prapuskajuć praz ramki mietałašukalnikaŭ.
Sakretnaja słužba zrabiła aficyjnuju zajavu ab stralaninie na mitynhu Trampa. Viedamstva paćvierdziła, što adzin hladač i strałok zabityja:
«Strałok zrabiŭ niekalki strełaŭ u bok sceny z uzvyšeńnia za miežami miesca praviadzieńnia mitynhu. Sakretnaja słužba ZŠA chutka raspačała achoŭnyja miery, były prezident u biaśpiecy, — paviedamiŭ pradstaŭnik słužby Entani Huhlijełmi. — Adzin hladač byŭ zabity, dvoje inšych ciažka paranienyja».
Pres-sakratar Sakretnaj słužby taksama dadaŭ, što da rasśledavańnia pryciahnuli FBR.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie4
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary
Jeśli postanovka - to horazdo kačiestvieńnieje mojej: jesť i kino s massovkoj, i šramy na licie, i trup odnorazovoho krivorukoho hłavnoho złodieja, kotoryj bolšie nikomu i ničieho nie rasskažiet.