Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?
U sieradu, 17 lipienia, na Ziamli startavaŭ siezon «zornych daždžoŭ» — płanieta ŭvajšła ŭ mieteorny patok Piersieidaŭ i ciapier na praciahu cełaha miesiaca ludzi zmohuć nazirać za niabiesnym šou.
Kali intensiŭnaść patoku (a takim čynam — i «zarapadaŭ») dasiahnie svajho piku, i dzie i jak za hetym lepš nazirać žycharam Biełarusi, piša telegraf.news.
Piersieidy — heta mieteorny patok, jaki štohod źjaŭlajecca ŭletku z boku suzorja Piersieja. U hety čas Ziamla prachodzić praz šlejf pyłavych čaścic kamiety Śvifta-Tatła. Mienavita tady, kali drabniutkija čaścicy ramiety, pamieram ź piasčynku, uvachodziać u ziamnuju atmaśfieru i zharajuć, na Ziamli možna nazirać sapraŭdny «zorny doždž».
«Kali kamiety nabližajucca da sonca, jany nahravajucca i adkołvajucca. Kali abłomki akazvajucca na šlachu Ziamli vakoł Sonca, jany mohuć urezacca ŭ našu atmaśfieru z chutkaściu ad 11 da 72 km/h. Faktyčnaja chutkaść, ź jakoj mieteor uvachodzić u našu atmaśfieru, zaležyć ad sukupnaj chutkaści Ziamli i samich abłomkaŭ», — rastłumačyli śpiecyjalisty z Karaleŭskich muziejaŭ Hrynviča, kudy ŭvachodzić u tym liku i Hrynvickaja absiervatoryja.
Pa padlikach navukoŭcaŭ, siaredniaja chutkaść mieteora ŭ patoku Piersieidaŭ składaje 58 km u siekundu. Pavietra pierad mieteoram ściskajecca i nahravajecca da tysiač hradusaŭ pa Celsii. Bolš drobnyja mieteory zharajuć biez astatku, pakidajučy za saboj tolki jarki śled, jaki i možna nazirać ź Ziamli. Bolš bujnyja mieteory mohuć vybuchać padobna vohniennym šaram, ale ŭbačyć ich ličycca vialikim pośpiecham.
U Karaleŭskich muziejach Hrynviča Piersieidy nazvali «adnoj z samych pryhožych źjaŭ na načnym niebie» leta.
Hety patok zajmaje asablivaje miesca ŭ kalendarach mnohich palaŭničych na mieteory z-za vysokaj pahadzinnaj aktyŭnaści patoku i jarkich mieteoraŭ.
Intensiŭnaść patoku pastupova raście, pačynajučy z 17 lipienia, a spadaje tolki da 24 žniŭnia.
Pik prypadaje na 12-13 žniŭnia.
Da hetaha času siaredniaja intensiŭnaść patoku dasiahaje 60 mieteoraŭ u hadzinu, to-bok padzieńnie zorak možna nazirać kožnuju chvilinu.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary