Palitźniavoleny Maksim Znak trapiŭ u šort-list premii Centra Vacłava Haveła
Advakat, palitviazień i litaratar Maksim Znak uvajšoŭ u šort-list naminantaŭ štohadovaj Premii «Parušeńnie spakoju», jakaja vydajecca advažnamu piśmieńniku ŭ niebiaśpiecy i arhanizujecca Centram Vacłava Haveła.
Premija adznačaje aŭtaraŭ vydatnych tvoraŭ mastackaj litaratury, litaraturnaj publicystyki, bijahrafij, miemuaraŭ, dramaturhii abo paezii, jakija prajaŭlajuć mužnaść u inšadumstvie i zaznali niespraviadlivy pieraśled za svaju adkrytuju abaronu demakratyi i pravoŭ čałavieka, paviedamlaje Biełaruski PEN.
Maksim Znak — advakat, navukoviec, piśmieńnik, palitźniavoleny, jaki adbyvaje 10-hadovy termin u kałonii ŭzmocnienaha režymu pa biespadstaŭnych abvinavačańniach. Aŭtar knihi dakumientalnaj prozy «Zekamieron», jakaja niadaŭna była pieravydadzienaja.
Razam ź biełaruskim aŭtaram u karotki śpis premii «Parušeńnie spakoju» uvajšli jašče 3 aŭtary: ujhurskaja piśmieńnica i byłaja palitźniavolenaja Sajunhul Čanišef, indyjskaja aktyvistka Arundaci Roj (Indyja) i iranski repier Taamadž Salechi.
U 2021 hodzie hetuju premiju atrymaŭ biełaruski paet Dźmitry Strocaŭ.
«Ludzi chočuć litaratury pra siabie, i vielmi važna, kab piśmieńniki na heta reahavali». Vydaviec Januškievič raskazaŭ pra pośpiechi i prablemy svajho biznesu
Vyjšła novaja kniha Maksima Znaka «Zekamieron. Vieršy. Hutarki»
Kvitki na premjeru kupałaŭcaŭ pa apaviadańniach Znaka razabrali za sutki. Raskazvajem unutranuju kuchniu śpiektakla
«Zekamieron» Maksima Znaka ŭvajšoŭ u šort-list brytanskaj premii
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary