Za dva z pałovaj hady na miažy Biełarusi i ES zahinuli 126 mihrantaŭ
Najbolš častymi pryčynami śmierci mihrantaŭ byli pieraachaładžeńnie i źniasileńnie z-za praciahłaha znachodžańnia ŭ pamiežnym lesie.
Z pačatku mihracyjnaha kryzisu na miažy Biełarusi i JeC zahinuła 126 čałaviek. 116 śmierciaŭ zadakumientavana sa žniŭnia 2021 hoda pa sakavik 2024 hoda, vynikaje sa spravazdačy «Prachodu niama. Śmierć mihrantaŭ na miažy Jeŭraźviazu ź Biełaruśsiu», vysnovy jakoha pryvodzić hazieta Wyborcza i jakuju cytuje Most.
Źviestki ab jašče 10 pamierłych pastupili ŭžo paśla zakančeńnia pracy nad spravazdačaj. Najbolš častymi pryčynami śmierci mihrantaŭ byli pieraachaładžeńnie i źniasileńnie z-za praciahłaha znachodžańnia ŭ pamiežnym lesie.
11 ciełaŭ znajšli ŭ rekach, jakija mihranty sprabavali pierapłyści, miarkujučy, što heta bolš prosty šlach, čym šturm pamiežnaha płota.
Piać čałaviek zahinuli ŭ aŭtakatastrofach: mašyny, jakimi kurjery sprabavali ich pieravieźci, traplali ŭ avaryi ŭ sprobie schavacca ad palicejskich ci pamiežnikaŭ.
U niekatorych vypadkach ludzi pamirali paśla tak zvanych puš-bekaŭ — hvałtoŭnych prymušeńniaŭ mihrantaŭ viarnucca ŭ Biełaruś.
Nie ŭsie cieły ŭdałosia apaznać, svajaki mnohich zahinułych nie znojdzienyja. Akramia taho, nie mienš za dzieviać žančyn zhubili dzicia, straciŭšy ciažarnaść, padčas sprobaŭ pierajści miažu.
-
«Nieaficyjna my daŭno kažam Minsku: pierastavajcie dapamahać ruskim». Zialenski patłumačyŭ, čamu pastaviŭ ultymatum
-
«Heta ŭžo nie tolki pytańnie demakratyi i pravoŭ čałavieka». Pieraabrany śpikier KR zaklikaŭ da nacyjanalnaha dyjałohu
-
Džon Koŭł zajaviŭ, što vyzvaleńni palitviaźniaŭ buduć praciahvacca
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk14
Kamientary