Brend zbankrutavanaj sietki «Vostraŭ čyścini i smaku» novyja ŭłaśniki abiacajuć zachavać
Naradu z nahody budučyni kaliści najbujniejšaj sietki praviali ŭ Ministerstvie antymanapolnaha rehulavańnia i handlu.
Na sustrečy prysutničali ministr Alaksiej Bahdanaŭ i pradstaŭniki sietki, u tym liku jaje raniejšy ŭładalnik Viktar Ramuk.
Pradstaŭniki retejła prainfarmavali pra płany pa zachavańni brenda «Vostraŭ čyścini i smaku», a taksama pra raboty pa raźvićci abnoŭlenaj handlovaj sietki, jakim budzie zajmacca novy ŭłaśnik brenda.
Pakolki arhanizacyi hrupy kampanij «Romaks», jakaja vałodała sietkaj, prachodziać praceduru bankructva, Bahdanaŭ źviarnuŭ uvahu na nieabchodnaść maksimalnaha ŭliku intaresaŭ usich zacikaŭlenych, u tym liku kredytoraŭ, adznačyli ŭ MARH.
Nahadajem, što niadaŭna stała viadoma pra poŭnaje zakryćcio sietki «Vostraŭ čyścini i smaku». Pry hetym jašče ŭ krasaviku ŭładalnik sietki Viktar Ramuk byŭ nastrojeny aptymistyčna — jon raskazvaŭ, što znajšoŭ rasijskaha inviestara i źbirajecca adkryć kramy, u tym liku pa franšyzie.
U vieraśni 2022 hoda źjaviłasia infarmacyja pra zatrymańnie hiendyrektara «Vostrava čyścini» Viktara Ramuka. Praz hod jahony biznes byŭ na miažy bankructva: krynicy «Našaj Nivy» śćviardžali, što vielizarny vykup za vychad ułaśnika ź SIZA i prablemnaja biznes-madel pahražajuć kampanii zakryćciom.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary