16-hadovaja dziaŭčyna-sirata arhanizavała ŭ Minsku biznes sadavinoj. Ale pryjšła padatkovaja
Upraŭleńnie apieratyŭnych mierapryjemstvaŭ minskaj padatkovaj inśpiekcyi raskazała pra vyniki čarhovaj pravierki. Padatkaviki pravieryli pałatku z harodninaj i sadavinoj u Zialonym Łuzie. Tam usim kiravała 16-hadovaja Valeryja. Kanał padatkavikoŭ u tradycyjna źnievažalnaj maniery raskazaŭ pra hetuju składanuju žyćciovuju situacyju.
«Siońnia los padaryŭ nam sustreču z šasnaccacihadovaj Valeryjaj.
Chaj nikoha nie biantežyć jaje maładość: padobna, što jana ŭžo prajšła ŭ hetym žyćci ahoń i vadu, a ŭ ciapierašni čas rychtujecca prajści «miednyja truby».
Acanicie sami jaje zadatki. Dziaŭčyna, jakaja raniej nie pryciahvałasia da administracyjnaj adkaznaści, vielmi stojka pieranosić našu pravierku, bojka adkazvajučy na niaprostyja pytańni.
Voś jaje viersija:
«Ja sirata. Vučusia ŭ technikumie. Prodaž harodninaj i sadavinoj arhanizavała samastojna. Tavary kuplaju na rynku ŭ Tabarach, adkul ich pryvodžu na taksi. Mnie nichto nie dapamahaje, ja ž sirata», — raspaviadaje kanał padatkavikoŭ pra dziaŭčynu.
Kanał dadaje, što sistema dziaŭčynie ničoha prapanavać nie ŭ stanie, akramia štrafu i kanfiskacyi.
«Hładka havoryć — ničoha nie skažaš, ale našy praviły niaźmiennyja, i my zaŭsiody praviarajem kožnaje skazanaje nam słova. U lubym vypadku parušalnicy pahražaje štraf i kanfiskacyja tavaraŭ, što nielehalna realizujucca», — napisali padatkaviki.
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty20
Kamientary