Kala 10 niesankcyjanavanych dziciačych letnikaŭ spynili pracu ŭ Biełarusi
Kala 10 niesankcyjanavanych dziciačych łahieraŭ spynili svaju pracu. Pra heta paviedamiła kansultant Hałoŭnaha ŭpraŭleńnia vychavaŭčaj raboty i maładziožnaj palityki Minadukacyi Taćciana Asmałoŭskaja, piša BiełTA.
Taćciana Asmałoŭskaja adznačyła, što z pačatku azdaraŭlenčaj kampanii asablivaja ŭvaha nadavałasia pryvatnym azdaraŭlenčym łahieram. «Naša zadača — danieści da baćkoŭ i indyvidualnych pradprymalnikaŭ, arhanizacyj, jakija ŭ kanikularny pieryjad arhanizujuć azdaraŭleńnie ci niejkija formy volnaha času dziaciej, što jość peŭnyja patrabavańni», — adznačyła jana.
Vykanaŭčyja kamitety aktyŭna pravodzili mietadyčnuju i infarmacyjnuju pracu, tłumačačy normy arhanizacyi łahieraŭ i formaŭ volnaha času.
«Usio, što tyčycca biaśpieki dziaciej, znachodzicca ŭ poli zroku dziaržavy. Pry pracy ź dziećmi nieabchodna vykonvać patrabavańni, jakija pradjaŭlajucca dziaržaŭnymi orhanami. Na žal, kala 10 takich niesankcyjanavanych łahieraŭ, jakija byli vyjaŭlenyja ŭ hety letni siezon, spynili svaju pracu», — raspaviała Taćciana Asmałoŭskaja.
Jak dadaŭ načalnik adździeła dziaržaŭnych zakupak i mietadyčnaj raboty respublikanskaha centra pa azdaraŭleńni i sanatorna-kurortnym lačeńni nasielnictva Alaksandr Caj, bolš uvažliva treba być i baćkam, daviedvacca, u jakich umovach budzie žyć dzicia, jak budzie arhanizavana jaho charčavańnie i jakija buduć prymianiacca prahramy vychavańnia.
«Baćki čamuści daviarajuć u tym liku arhanizataram, jakija zusim nie chočuć vykonvać ustanoŭlenyja praviły arhanizacyi vychavaŭča-azdaraŭlenčych łahieraŭ», — padkreśliŭ jon.
Alaksandr Caj raskazaŭ, što sioleta była praviedziena samaja vialikaja rabota pa vyjaŭleńni takich arhanizataraŭ. «Byli stvorany rabočyja hrupy va ŭsich rehijonach, navat u małych rajonach, z pradstaŭnikami miascovych vykanaŭčych i rasparadčych orhanaŭ, centraŭ hihijeny i epidemijałohii, MNS, prakuratury, MUS i inšymi. Zadziejničanyja byli faktyčna ŭsie viedamstvy i słužby, i heta dazvoliła nie dapuścić niebiaśpiečnaha hrupavoha znachodžańnia dziaciej», — reziumavaŭ jon.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki3
Kamientary