Jašče adnaho biełarusa nie puścili nazad u Hruziju. Jon kaža, što «siadzieŭ cicha, płaciŭ padatki i nikudy nie lez»
Aficyjnaje tłumačeńnie — «inšyja pryčyny, praduhledžanyja hruzinskim zakanadaŭstvam».
Chłopcu, jakoha nie puścili ŭ Hruziju, kala 35 hadoŭ. Jon raskazaŭ svaju historyju ŭ čacie kanała «Batumčyk», jaki aśviatlaje žyćcio horada Batumi.
Pavieł (imia źmienienaje) žyŭ u Hruzii kala dvuch hadoŭ. Ale dniami jaho nie puścili ŭ krainu paśla taho, jak jon źjeździŭ u Turcyju i viartaŭsia nazad. Na miažy pry hetym ni pra što nie pytalisia, prosta ŭ jakaści pryčyny ŭkazali «inšyja pryčyny, praduhledžanyja hruzinskim zakanadaŭstvam».
Mužčyna kaža, što pamiežniki «ničoha nie vyrašajuć». Kali vy sprabujecie pierajechać miažu, to pamiežnik prahladaje vas pa niejkaj bazie. Pavał raniej mierkavaŭ, što treba być žurnalistam, aktyvistam ci dziejačam dyjaspary, kab apynucca ŭ hetaj bazie, ale jon nie traplaje ni ŭ jakuju z hetych katehoryj. «Siadzieŭ cicha, płaciŭ padatki, nikudy nie lez», — piša Pavał.
Začepkaj mahło b być toje, što na ich ź dziaŭčynaj dvojčy za apošni hod vyklikali palicyju, kali jany hučna svarylisia ŭnačy. Ale jany nie atrymali tady navat štraf, tolki pisali tłumačalnyja nakont taho, čamu byli takimi hučnymi ŭnačy. Da taho ž dziaŭčynu Paŭła ŭpuścili biez prablem.
«Dziakuj Hruzii i hruzinskamu narodu, što prytulili nas u vašaj cudoŭnaj krainie. Vy — cudoŭnyja, vy — nievierahodnyja. Nizki vam pakłon», — napisaŭ Pavał na raźvitańnie.
Inšyja ludzi taksama dzielacca svaimi historyjami. Naprykład, čałaviek ź niknejmam «Puškin u Čyli» raspaviadaje, što šmat u kaho ź ludziej zdaralisia niepryjemnyja historyi, kali jany ŭkładalisia ŭ biznes — naprykład, paśla im anulavali VNŽ dy jany jaho hublali.
Inšyja ludzi pišuć, što vyrašyli nie adkryvać tam svoj biznes, bo nie peŭnyja ŭ tym, što takoha nie zdarycca ź imi.
Padobnyja vypadki pakul nie častyja, ale va ŭjeździe ŭ Hruziju nasamreč mohuć admović biez tłumačeńnia pryčyn. I ŭ niekatorych vypadkach adstajać prava ŭjezdu čałavieka niemahčyma.
«Naša Niva» — bastyjon biełaruščyny
PADTRYMAĆBiełarusku nie puścili ŭ Hruziju, choć jana tam žyvie i pracuje bolš za hod. Što rabić?
«My vas musim viarnuć na terytoryju Polščy». Andrej Mialeška raskazaŭ, jak jaho z dačkoj nie puścili ŭ Hruziju
«Advakatka prosta ašaleła». Biełarusy pa-za šenhien-zonaj, u jakich chutka skončycca pašpart — pra svoj płan dziejańniaŭ
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami7
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary
* Dva raza vyzyvali v policiju za šum