Jeŭraparłamient zaprosić u Jeŭraniest 10 naziralnikaŭ ad biełaruskaj apazicyi i hramadzianskaj supolnaści. Hetu navinu raspaŭsiudziła vydańnie Europolitics.info. Aficyjnaha paviedamleńnia pra heta na sajcie Jeŭraparłamientu pakul niama.
Eŭraparlament zaprosić u Eŭranest 10 naziralnikaŭ ad biełaruskaj apazycyi i hramadzianskaj supolnaści. Hetu navinu raspaŭsiudziła ŭviečary bruselskaje vydańnie Europolitics.info. Aficyjnaha paviedamleńnia pra heta na sajcie Eŭraparlamentu pakul niama.
Jak vynikaje z paviedamleńnia, «paśla doŭhich miesiacaŭ abmierkavańniaŭ Eŭrapiejski parlament uchvaliŭ praviły, jakija rehulujuć parlamenckuju strukturu «Uschodniaha partnerstva» — Eŭranest. Na pačatku planavałasia, što ŭ Eŭranest uvojduć 60 deputataŭ ad Eŭraparlamentu i 60 deputataŭ ad krain‑partneraŭ, to bok pa 10 pradstaŭnikoŭ ad kožnaj krainy.
Adnak niekalki tydniaŭ tamu dakładčyk EZ pa Biełarusi Jacek Pratasievič ahučyŭ, što Eŭraparlament nie pryznaje lehitymnaści biełaruskaha nacyjanalnaha schodu, što eŭrapiejskija deputaty niezadavolenyja ŭzroŭniem demakratyi ŭ Biełarusi, a tamu ad hetaj krainy ŭ Parlamenckaj asamblei «Uschodniaha partnerstva» pavinny abaviazkova ŭdzielničać pradstaŭniki biełaruskaj apazycyi. U adpaviednaści z pazycyjaj EZ, ź dziesiaci naležnych Biełarusi miescaŭ piać musili zaniać pradstaŭniki biełaruskaha parlamentu i piać — pradstaŭniki demakratyčnych siłaŭ.
Jak padaje vydańnie Europolitics.info, rašeńnie Eŭrarlamentu pa Biełarusi nastupnaje:» usie 10 miescaŭ u Parlamenckaj asamblei «Partnerstva« buduć naležać pradstaŭnikam biełaruskaj demakratyčnaj apazycyi i hramadzianskaj supolnaści». Nahadajem, što takaja prapanova ŭ apošnija tydni łabiravałasia polskimi parlamentarami ŭ suviazi z sytuacyjaj vakoł SPB.
Pavodle ananimnaj krynicy Europolitics.info. «vydatki na ŭdzieł biełaruskaj delehacyi adrozna ad udzielnikaŭ ź inšych piaci krainaŭ buduć pakryvacca za košt Eŭraparlamentu».
Taksama paviedamlajecca, što ŭ vypadku demakratyčnych źmienaŭ u Biełarusi,
Eŭranest adčynić svaje dźviery dla pradstaŭnikoŭ demakratyčna abranaha nacyjanalnaha parlamentu.
Pracoŭnymi movami pasiadžeńniaŭ Eŭranestu stanuć anhielskaja, niamieckaja i francuskaja.
Jak raspaviała Europolitics.info krynica ŭ Eŭraparlamencie, pakul jašče nieviadoma, chto dakładna ź piaci pradstaŭnikoŭ biełaruskaj apazycyi i piaci pradstaŭnikoŭ hramadzianskaj supolnaści voźmie ŭdzieł u pieršym pasiedžańni PA «Uschodniaha partnerstva» 24 sakavika ŭ Bruseli.
Miarkujecca, što ŭdzielniki Eŭranestu ad Biełarusi ŭ jakaści vyklučeńnia buduć abranyja samim Eŭrapiejskim parlamentam pavodle rekamendacyi admysłovaj misii, jakaja naviedaje Miensk 26‑26 lutaha. Tyja ž polskija eŭradeputaty vystupajuć za toje, kab adno ź miescaŭ ad hramadzianskaj supolnaści naležała Anžalicy Borys, staršyni Sajuza palakaŭ u Biełarusi.
Paru dzion tamu pradstaŭnictvam EZ va Ŭkrainie i Biełarusi była raspaŭsiudžanaja infarmacyja adnosna prybyćcia ŭ Miensk na nastupnym tydni delehacyi Eŭraparlamentu z metaj vypracoŭki pazycyi pa ŭdziełu Biełarusi ŭ PA «Uschodniaha partnerstva» «Eŭranest»
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu4848
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu48
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3636
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było36
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary