U vydaviectvie «Biełaruskaja navuka» z druku vyjšła praca «Śviatočny čas. Narodnyja zvyčai i pavierji ŭ apoviedach biełarusaŭ» etnołaha, kandydatki histaryčnych navuk Taćciany Kucharonak — kniha pryśviečanaja śviatočnym tradycyjam biełarusaŭ, paviedamlaje «Supołka biełaruskich piśmieńnikaŭ».
Praca admietnaja tym, što nie apisvaje sami narodnyja śviaty, jakija daŭno i hruntoŭna zanatavanyja daśledčykami, a źviartaje ŭvahu na roznyja stadyi i aśpiekty śviatkavańnia, a taksama na vieravańni, jakija hetyja spravy supravadžajuć.
U knizie šmat ilustracyj, u tym liku archiŭnych.
«U knizie na bahatym faktyčnym materyjale, sabranym padčas falkłorna-etnahrafičnych ekśpiedycyj, dajecca kompleksnaje ŭjaŭleńnie ab kalandarnych zvyčajach biełarusaŭ jak najvažniejšaj śfiery i padsistemie žyćciadziejnaści našaha naroda, kali kožny abrad, mahičnaje dziejańnie, pieśnia abo zaklička mieli na mecie paspryjać budučamu ščodramu ŭradžaju, dabrabytu, mocnamu zdaroŭju. Pradstaŭleny ŭ pieršuju čarhu apoviedy viaskovych žycharoŭ, zapisanyja ŭ apošnija 10 — 20 hadoŭ, ich uspaminy, uražańni, źviazanyja sa śviatami narodnaha kalendara. Aŭtarski tekst arhanična ich dapaŭniaje dla poŭnaj charaktarystyki tradycyjnych kalandarnych śviataŭ, zvyčajaŭ, pavierjaŭ i abradaŭ biełarusaŭ u rehijanalnaj raznastajnaści», — raskazvajecca ŭ anatacyi da vydańnia.
Knihu možna kupić u Minsku ŭ «Akademknizie».
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ9
Kamientary
Usim raju nabyć i pračytać!
Asablivaj uvahi zasłuhoŭvaje raździeł “Kvadrobiery i kvadrabieryzm jak adzin z čyńnikaŭ anihilacyi postsavieckaha mientalitetu”.
[1] https://web-analytics.online/351076
[2] https://web-analytics.online/352760