Vyjšła antałohija biełaruskaj paezii ŭ italjanskich pierakładach
Źjaviłasia kniha Il mondo è finito e noi invece no: Antologia di poesia bielorussa del XXI secolo («Śviet skončyŭsia, a my nie: antałohija biełaruskaj paezii 21 stahodździa»), jakaja ŭklučaje pierakłady na italjanskuju movu biełaruskaj paezii apošnich dziesiacihodździaŭ, piša bellit.info. Pieršaja prezientacyja projdzie na bierlinskaj «Pradmovie».
Antałohija raskryvaje pierad italjanskimi čytačami raznastajny i amal zusim nieviadomy ŭ Italii śviet sučasnaj biełaruskaj paezii: sorak aŭtaraŭ, bolš za sotniu vieršaŭ, jakija achoplivajuć pieryjad z 2000 pa 2024 hady.
Takim čynam, antałohija źjaŭlajecca pieršym i na siońniašni dzień najbolš poŭnym ahladam sučasnaj biełaruskaj paezii, pradstaŭlenaj vielmi roznymi pa styli, tematycy i navat pa movie i ałfavicie tvorami: tut jość vieršy na biełaruskaj i rasiejskaj movach, a taksama dva teksty na idyš i try na ŭkrainskaj.
Vieršy ŭjaŭlajucca trajektoryjami, što pierasiakajucca miž saboj, pracinajuć pakaleńni i asabistyja historyi, i źlivajucca ŭ adnym trahičnym i ŭźniosłym chory, jaki — i moŭčki, i na poŭny hołas — paŭtaraje: «Śviet skončyŭsia, a my nie».
Ilustracyja na vokładcy antałohii ad mastački Śviatłany Dziemidovič. Pradmovu napisała litaraturaznaŭca, doktarka fiłałahičnych navuk Uljana Vieryna.
Arhanizataram prezientacyi antałohii pierakładaŭ na fiestyvali intelektualnaj knihi «Pradmova» vystupić paet i vydaviec Dźmitryj Strocaŭ.
Udzielnikami mierapryjemstva buduć pierakładčyki i aŭtary Alasandra Akili, Džulija De Fłorya, Maja Hałavanava, Dźmitryj Strocaŭ, Jula Cimafiejeva, Alhierd Bacharevič, Źmicier Višnioŭ, Andrej Chadanovič.
Čas i miesca: 19 kastryčnika, subota, placoŭka A, 15.30—16.30 (bolš padrabiaznaja infarmacyja pa spasyłcy).
Łondanski juryst napisaŭ knihu pra svajo dziacinstva i maładość u Minsku
Jak vyhladali banknoty ź Jankam Kupałam i pieršaja kampjutarnaja hulnia pa-biełarusku? Vyjšła kniha pra najnoŭšuju biełaruskuju historyju
Vyjšła kniha pra zvyčai i pavierji biełarusaŭ
Skandalnaja biełaruskaja aŭtarka napisała knihu, u jakuju možna na niekalki dzion schavacca ad rečaisnaści
Kamientary