Biełaruskaja błohierka pradaje butelki koły pa 100 rubloŭ i nie tolki. Za dzień jana zarabiła bolš, čym niekatoryja za paŭhoda
Błohierka ź Minska Alena Kardon-Miełavackaja vyrašyła pravieści čelendž: vystavić na sutki roznyja łoty i pahladzieć, kolki atrymajecca na hetym zarabić. Jość niezvyčajnyja prapanovy.
U Aleny Kardon-Miełavackaj 140 tysiač padpisčykaŭ u instahramie. Raniej jana pazicyjanavała siabie jak seks-koŭč, ciapier ža navučaje inšych ekśpiertaŭ, jak vieści sacyjalnyja sietki.
Aproč prapanoŭ zamović u jaje błohu rekłamu, jość i niebanalnyja łoty. Naprykład, Alena hatovaja pradać piać «zaradžanych na pachudańnie» butelek koły pa 100 rubloŭ za štuku — abiacaje asabista pryvieźci napoj. Taksama za 100 rubloŭ błohierka moža stać vašaj taksistkaj i na svaim «Fordzie» davieźci z punkta A ŭ punkt B (aktualna tolki dla stalicy). U košt uvachodzić razmova padčas pajezdki. Takich łotaŭ vystaŭlena try.
Pravieści dzień u kampanii Aleny kaštuje 2700 rubloŭ — u hety čas jana abiacaje nie tolki pravieści kansultacyju i razabrać vaš błoh, ale i zabiaśpiečyć zabaŭlalnuju prahramu.
A samy darahi łot kaštuje ažno 10 tysiač rubloŭ. Za hetyja hrošy błohierka abiacaje kožny dzień ciaham miesiaca svaju pieršuju storys pryśviačać rekłamie błoha, tavaru ci pasłuhi čałavieka, jaki nabyŭ padpisku.
Za pieršyja 7 hadzin u Aleny Kardon-Miełavackaj atrymałasia zarabić 21 tysiaču 930 rubloŭ. Padpisčyki nabyli, siarod inšaha, i samy darahi łot, a taksama 3 butelki koły.
Darečy, heta nie pieršy raz, kali papularnyja biełaruskija błohierki pradajuć niešta niezvyčajnaje. Naprykład, błohierka Ira Mismo (210 tysiač padpisčykaŭ u instahramie) sioleta zmahła pradać padpisčykam svaje fotazdymki z novym chłopcam.
Chočieš naučiťsia prodavať, čto uhodno? Piši «kontient» v inst, prišlu hajd
U svaich sacsietkach Mismo raspaviała, što paśla taho, jak ludzi zrazumieli, što ŭ jaje źjaviŭsia novych chłopiec, jany pačali cikavicca jaho asobaj. Daśviedčanaja błohierka vyrašyła nie pakazvać jaho zadarma (bo chto ž viedaje, kali znoŭ takaja infanahoda budzie). Tamu ŭ Dzień śviatoha Valancina jana prapanavała ŭsim achvotnych nabyć sumiesnyja fota zakachanych. Košt byŭ nievialiki — 15 rubloŭ. Ale ŭ vyniku za sutki zdymki kupiŭ 421 čałaviek. Błohierka pachvaliłasia, što zarabiła na hetym 6315 rubloŭ.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć
«U Biełarusi abyšłosia b daražej». Błohierka adśviatkavała viasielle na Paŭnočnym Kipry i raspaviała, kolki heta kaštuje
«Seksołah — heta siabroŭka, u jakoj nie soramna spytacca, što takoje arhazm»
Para choča sabrać 10 tysiač dalaraŭ z padpisčykaŭ u instahramie na viasielle mary
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty8
Kamientary
2. Raspaviała instałacham, što ŭsio nasamreč tak i było.
3. profit.