30 vieraśnia ŭ sudzie Navabielickaha rajona Homiela pačaŭsia sudovy praces nad Jaŭhienam Katlarovym (psieŭdanim Jaŭhien Kakojta), jakoha abvinavacili pa troch «palityčnych» artykułach: dyskredytacyja Respubliki Biełaruś (art. 369-1) i abraza pradstaŭnika ŭłady (art. 369 KK RB).
Jak stała viadoma vydańniu «Fłahštok», pa vynikach zakrytaha suda Katlarovu vynieśli prysud — 1,5 hoda kałonii ahulnaha režymu z maksimalna mahčymych 4 hadoŭ.
Raniej Katlaroŭ staŭ viadomy tym, što jaho danosy stali padstavaj dla abvinavačvańnia niekalkich hamialčan pa administracyjnych i kryminalnych artykułach, u tym liku jon byŭ śviedkam pa spravie pravaabaroncy Leanida Sudalenki.
U 2023 hodzie Katlaroŭ nakiravaŭ uvahu na zakonnaść dziejańniaŭ miascovych uładaŭ, što pryviało da jaho pošukaŭ milicyjaj i źmiaščeńnia ŭ izalatar časovaha ŭtrymańnia. Na pačatku 2024 hoda pad ciskam dziaržaŭnych orhanaŭ jamu daviałosia ačyścić svaju staronku ŭ fejsbuku.
Katlaroŭ byŭ zatrymany viasnoj 2024 hoda paśla publikacyi niekalkich videa, dzie jon krytykavaŭ dziejańni čynoŭnika Homielskaha abłvykankama — Andreja Baranoŭskaha.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary