Partuhalija admoviłasia vydavać humanitarnyja vizy, niahledziačy na raniejšuju zhodu
Ab pryčynie takoha raptoŭnaha kroku daviedałasia vydańnie The Insider.
Parłamient Partuhalii adchiliŭ zakonaprajekt, zhodna ź jakim mihranty, jakich pieraśledujuć na radzimie, mahli b atrymlivać humanitarnyja vizy ŭ krainie. Niahledziačy na toje, što zakonaprajekt prajšoŭ usie čytańni, u finalnym hałasavańni jamu nie chapiła hałasoŭ, bo dźvie partyi — Sacyjał-demakratyčnaja partyja (PSD) i Demakratyčny i sacyjalny centr (CDS) — raptoŭna źmianili svaju pazicyju.
Ab hetym paviedamlaje The Insider sa spasyłkaj na aktyvista z Rasii Paŭła Jelizarava, jaki źjaŭlajecca členam partyi «Libieralnaja inicyjatyva», jakaja i prapanavała zakonaprajekt ab humvizach.
Pa jaho słovach, zakonaprajekt z samaha pačatku vyklikaŭ mocny supraciŭ z boku antymihranckaj ultrapravaj partyi Chega, jakaja śćviardžała, što dakumient padtrymlivajuć tolki «zdradniki», jakija žadajuć zrabić ź nielehałaŭ partuhalcaŭ. Potym da ich raptoŭna dałučylisia PSD i CDS, jakija mienš za dva tydni tamu jašče hałasavali ŭ padtrymku ŭviadzieńnia humviz.
«Adzin z arhumientaŭ praciŭnikaŭ zakonaprajekta składaŭsia ŭ tym, što konsulstvy nie majuć prava prymać rašeńni pa pytańniach prytułku inšaziemcam. Adnak hety arhumient niekarektny, bo ab hetym u dakumiencie i nie išło havorki», — adznačaje člen partuhalskaj partyi «Libieralnaja inicyjatyva» Pavieł Jelizaraŭ.
Pavodle Jelizarava, toj krytykavaŭ pazicyju praciŭnikaŭ zakonaprajektu, zajaŭlajučy, što humanitarnaja viza, naadvarot, uparadkavała b praces padačy zajavak na prytułak, što ciapier i biez hetaha časta robicca praź nielehalnyja šlachi abo z vykarystańniem turystyčnych viz.
Zakon, u vypadku pryniaćcia, pavinien byŭ dazvolić ludziam, jakich pieraśledujuć na radzimie, asabliva hramadzianam Biełarusi, atrymać humanitarnuju vizu ŭ partuhalskim pasolstvie luboj krainy i, pryjechaŭšy, paprasić u joj palityčny prytułak. Turystyčnuju ž vizu treba atrymlivać u krainie hramadzianstva ci ŭ inšaj krainie — pry najaŭnaści DNŽ.
Raniej daradca Śviatłany Cichanoŭskaj Franak Viačorka dziakavaŭ parłamientu Partuhalii za toje, što toj namahaŭsia dazvolić vydaču humanitarnych viz.
Ciapier čytajuć
Zialenski: Retranślatary na miažy Biełarusi prypynili pracu72
Zialenski: Retranślatary na miažy Biełarusi prypynili pracu
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu2929
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu29
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3030
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było30
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary