Biełarusy sa statusam uciekača zmohuć pierarehistravać mašynu ŭ Łatvii ciaham troch hadoŭ
Siejm Łatvii pryniaŭ papraŭki ŭ zakon ab darožnym ruchu, jakija značna spraščajuć spravu pierarehistracyi aŭtamabilaŭ dla tych biełarusaŭ, jakija majuć status uciekača, havorycca na sajcie łatvijskaha parłamienta.
Zhodna z papraŭkami biełarusy, jakija majuć status uciekača abo alternatyŭny status, zmohuć pierarehistravać svaje aŭtamabili ciaham troch hadoŭ. Raniej heta treba było zrabić da 31 kastryčnika.
U vieraśni ŭ Łatvii pryniali novy zakon: zarehistravanyja ŭ Biełarusi transpartnyja srodki, jakija znachodziacca na terytoryi Łatvii, pavinny być vyviezienyja abo pieraaformlenyja na łatvijskija numary da 31 kastryčnika. Kali heta nie budzie zroblena ŭ nazvany termin, aŭtamabil mohuć kanfiskavać.
Paśla 31 kastryčnika aŭto ź biełaruskimi numarami zmohuć ujazdžać u Łatviju tolki dla adnarazovaha pierasiačeńnia terytoryi krainy tranzitam. Dla hetaha treba budzie papiarednie źviarnucca ŭ Dyrekcyju biaśpieki darožnaha ruchu Łatvii.
Akramia Łatvii, padobnyja abmiežavańni ŭviali Litva i Estonija.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary