«Prablema niedakamplektavanaści vyrašanaja». Hetaj vosieńniu ŭ vojska pryzvali 8000 biełarusaŭ
Ministr abarony Viktar Chrenin paviedamiŭ, što pa vynikach vosieńskaj pryzyŭnoj kampanii šerahi Uzbrojenych sił Biełarusi papoŭnili bolš za 8 tysiač chłopcaŭ.
«Prablema niedakamplektavanaści, jakaja isnavała peŭny čas va Uzbrojenych siłach, voś užo dva hady jak vyrašana», — skazaŭ Chrenin, jaki 23 listapada prysutničaŭ na cyrymonii pryniaćcia prysiahi navabrancami 72-ha abjadnanaha navučalnaha centra padrychtoŭki praparščykaŭ i małodšych śpiecyjalistaŭ u barysaŭskich Piečach.
Pavodle jaho, «siońnia chłopcaŭ, jakija hatovyja słužyć u vojsku, bolš, čym jość pasad».
Dasiahnuć takich pośpiechaŭ udałosia tamu, što ŭ pačatku 2023 hoda byli źnižanyja patrabavańni da stanu zdaroŭja patencyjnych pryzyŭnikoŭ.
Tak, vierchniaja miaža vahi, pry jakoj hramadzian pryznajuć nieprydatnymi da słužby ŭ siłach śpiecyjalnych apieracyj, była ŭźniataja z 90 da 100 kh. Pry hetym mužčyn, jakija važać bolš za 100 kh, dazvolena prymać u pamiežnuju słužbu, a taksama ŭ śpiecyjalnyja milicejskija złučeńni i vajskovyja čaści.
Raniej taksama nie prypisvalisia da pryzyŭnych učastkaŭ i pryznavalisia nieprydatnymi da terminovaj słužby i słužby ŭ reziervie ŭ mirny čas ludzi ź blizarukaściu luboha voka na adnym ź mierydyjanaŭ 6—8 dyjoptryj. Ciapier takija hramadzianie pryznajucca abmiežavana prydatnymi da terminovaj słužby i słužby ŭ reziervie. Jak i raniej, jany zastajucca prydatnymi z abmiežavańniami da słužby pa kantrakcie ŭ śpiecyjalnych złučeńniach.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra7
Kamientary