Kiraŭnikom hrupy «Za volnuju Biełaruś» u polskim parłamiencie staŭ były ministr zamiežnych spraŭ i maršałak Siejma
27 listapada adbylisia vybary novaha staršyni parłamienckaj hrupy «Za volnuju Biełaruś» u polskich Siejmie i Sienacie, paviedamiŭ u svaim telehram-kanale Pavieł Łatuška.
Na pasadu staršyni parłamienckaj hrupy «Za volnuju Biełaruś» byŭ abrany były maršałak Siejma i ministr zamiežnych spraŭ Polščy, a ciapier staršynia kamisii pa mižnarodnych spravach Sienata Polščy Hžehaž Schietyna.
61-hadovy Hžehaž Schietyna byŭ maršałkam polskaha Siejma ŭ 2010—2011 hadach, a ministram zamiežnych spraŭ — u 2014—2015.
Padčas vystupleńnia paśla abrańnia kiraŭnikom hrupy Schietyna adznačyŭ, što ŭ intaresach Polščy
«zachoŭvać aktyŭnuju palityku ŭ dačynieńni da Biełarusi, ažyćciaŭlać dalejšuju izalacyju režymu i adnačasova prajaŭlać adkrytaść da biełaruskaha hramadstva».
Asobna z boku polskich parłamientaryjaŭ u jakaści pryjarytetu była adznačanaja važnaść u chodzie staršynstva Polščy ŭ Jeŭrapiejskim Sajuzie ŭ pieršaj pałovie 2025 hoda akcentavać uvahu krain — členaŭ ES na situacyju ŭ Biełarusi i sadziejničać udziełu pradstaŭnikoŭ demakratyčnych instytutaŭ i inicyjatyŭ u mierapryjemstvach ES u ramkach hetaha staršynstva.
Łatuška daŭ pakazańni ŭ Nacyjanalnaj prakuratury Polščy. Sprava — pra zamach na jaho
U Polščy znachodziacca bolš za 200 tysiač biełarusaŭ
Pavieł Łatuška bačyć pryčynu pryznačeńnia vybaraŭ na studzień u inšym
«Pierapryznačyć samoha siabie na ŭzurpavanuju pasadu». Łatuška prakamientavaŭ datu prezidenckich vybaraŭ
Kamientary