Biełaruskaja futbolnaja zbornaja hatova da tavaryskaha matča z Armienijaj, zajaviŭ hałoŭny trenier Biernd Štanhie 1 sakavika paśla zaviaršeńnia viačerniaj treniroŭki kamandy ŭ tureckim Bieleku.
«Hulnia ŭ lubym vypadku nie budzie prostaj, tamu što nie ŭsie našy futbalisty znachodziacca ŭ aptymalnaj fizičnaj formie. Niekatoryja viadučyja hulcy naohuł naŭrad ci vyjduć na pole 3 sakavika z‑za traŭmaŭ. Adnak my abaviazany vyjhrać hetu sustreču, ja vieru ŭ našu kamandu», — zajaviŭ Štanhie, jakoha cytuje pres‑słužba Biełaruskaj fiederacyi futboła.
«My skončyli pieryjad ekśpierymientaŭ i padarunkaŭ dla kandydataŭ u zbornuju, aprabavaŭšy ŭ spravie 30 futbalistaŭ, — adznačyŭ trenier. —
Ciapier u nas aptymalny skład, jakomu pad siłu vykonvać samyja składanyja zadačy».
Što da adboračnaha cykła čempijanatu Jeŭropy‑2012 i prahnozaŭ na pieršuju sustreču z francuzami, jakaja adbudziecca ŭ Paryžy 3 ci 4 vieraśnia, to, na dumku Štanhie, nie treba zahadzia bajacca hetaha aŭtarytetnaha i mocnaha sapiernika.
«Ja nie toj čałaviek, jaki skardzicca, — padkreśliŭ niamiecki śpiecyjalist. — Napeŭna, bolš zručna było b pačać z hulni doma ź Luksiemburham, kab adrazu try ački atrymać. Ale heta nie kancert pa zajaŭkach. Miarkuju, niadrenna zhulać i suprać Francyi paśla čempijanatu śvietu. Novyja treniery, novyja ŭstanoŭki, hulcy. Heta dla nas niadrenna. Heta lepš, čym sustrakacca praz hod, kali kamanda ŭžo zhulanaja. Patencyjał francuzskaj zbornaj, biassprečna, vyšejšy za biełaruski, i nam budzie asabliva ciažka hulać na vyjeździe. Ale my budziem zmahacca. Surjozna i vielmi aktyŭna».
Z 28 lutaha pa 4 sakavika biełaruskaja zbornaja znachodzicca na zbory ŭ Turcyi, dzie 3 sakavika zhulaje sparynh z armianami. 2 červienia Biełaruś praviadzie doma tavaryski matč sa šviedami.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak41
Kamientary