Pałkoŭnik z Vajskovaj akademii Biełarusi: Toje, što adbyvajecca ŭ Siryi, heta paraza Rasii
Andrej Bahadziel u efiry dziaržTB pryznaŭ, što Rasija prajhrała ŭ Siryi. Ale jon ličyć, što Maskva zmahła paźbiehnuć razhromu.
U efiry biełaruskaha aficyjnaha telebačańnia pryznali, što Rasija paciarpieła parazu ŭ Siryi. Takim mierkavańniem na ANT padzialiŭsia namieśnik načalnika fakulteta Hienštaba Vajskovaj akademii Biełarusi Andrej Bahadziel. Pry hetym pałkoŭnik pasprabavaŭ znajści ŭ hetym pazityŭ.
«Toje, što adbyvajecca siońnia ŭ Siryi, — biezumoŭna, heta paraza Rasijskaj Fiederacyi. Ale heta ŭsiaho tolki paraza Rasijskaj Fiederacyi. Bo Rasija zmahła paźbiehnuć stratehičnaha razhromu.
Zachad rychtavaŭ adnaznačna joj vajnu na dva fronty. Z adnaho boku SVA (tak Bahadziel nazyvaje vajnu va Ukrainie — zaŭv.), z druhoha — pasprabujcie, pavajujcie jašče i na Blizkim Uschodzie, za što vy stajali 9 hadoŭ. Heta značyć usialak Rasiju sprabavali mienavita ŭciahnuć na dva fronty», — miarkuje Bahadziel.
Pavodle jaho słoŭ, padtrymka režymu ŭ Siryi była abciažaranaja łahistyčna, i Rasija pryniała pravilnaje rašeńnie, što nie stała čaplacca za rehijon.
«Što tyčycca i łahistyki, i pierakidańnia vojskaŭ, uzbrajeńniaŭ praz čarnamorskija pralivy — usio heta abciažarana. Pierakidka stanaviłasia značna prablematyčnaj dla ich. Rasija vybrała adzina pravilny varyjant. Mienavita heta toj varyjant, jaki siońnia jość», — adznačyŭ Bahadziel.
Jon miarkuje, što rasijskaja raźviedka ŭsio viedała, tamu Maskva vyrašyła «pakinuć małoje, kab nie stracić bolšaje».
Režym Bašara Asada ŭ Siryi paŭ 8 śniežnia, kali ŭ Damask uvajšli atrady ŭzbrojenaj apazicyi, a sam Asad palacieŭ u Maskvu, dzie jamu dali palityčny prytułak.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju4
Kamientary