Heta biełaruskaja prastora pracavała try hady.
21 śniežnia tam adbyłosia ahulnaje raźvitalnaje mierapryjemstva, 22-ha — apošniaje tematyčnaje (majstar-kłas «Kaladnaja zorka»). Apošni dzień pracy — 10 studzienia, piša «Pozirk».
Kropka začyniajecca praź źmianšeńnie kolkaści biełarusaŭ, jakija pražyvajuć u Hruzii (ciapier kala 12 tys., što na 3 tys. mieniej, čym dva hady tamu), pryniaćcie zakona «ab zamiežnych ahientach» i zakona, jaki dyskryminuje supolnaść ŁHBTK+, paviedamili ŭ administracyi prastory.
Tematyčnyja supolnaści praciahnuć dziejnaść na inšych placoŭkach, ich anonsy pa-raniejšamu buduć raźmiaščacca ŭ telehram-kanale Kropka.
Pavodle infarmacyi administracyi, za try hady prajšło kala 800 mierapryjemstvaŭ, u jakich udzielničała 8,5 tys. čałaviek. Amal 90% mierapryjemstvaŭ arhanizavali sami naviedvalniki prastory.
Biełarusy, jakija źjechali ŭ Hruziju z-za pahrozy palityčnych pieraśledaŭ na radzimie, sutykajucca ź ciažkaściami pry abnuleńni terminu znachodžańnia, t. zv. vizaranie (bieź pierapynku možna znachodzicca 364 dni, zatym vyjechać na luby termin i viarnucca) — nazad puskajuć nie ŭsich žurnalistaŭ i aktyvistaŭ dyjaspary. U krainie niemahčyma atrymać mižnarodnuju abaronu, niahledziačy na najaŭnaść adpaviednaha miechanizmu, u ambasadach krain Šenhienskaj zony — vialikija ciažkaści z atrymańniem karotkaterminovych viz.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary
Centr horada!!!