30‑hadovy pjany hamialčanin adkusiŭ vucha svajoj maci.
Jak paviedamili ŭ pres‑słužbie UUS Homielskaha abłvykankama, pa hetym fakcie 3 sakavika raspačata sprava pa art. 147 Kryminalnaha kodeksa (naniasieńnie ciažkich cialesnych paškodžańniaŭ). Złačynstva było raskryta padčas rasśledavańnia inšaj kryminalnaj spravy ŭ dačynieńni da raniej nie sudzimaha mužčyny. Milicyja ŭstanaviła, što ranicaj 12 śniežnia 2009 hoda pa miescy žycharstva ŭ stanie ałkaholnaha apjanieńnia padazrony «zubami pryčyniŭ traŭmatyčnuju amputacyju levaj vušnoj rakaviny svajoj maci 1951 hoda naradžeńnia, jakaja žyvie ź im». Pavodle zaklučeńnia ekśpiertyzy, syn nanios maci «ciažkija cialesnyja paškodžańni, što źniaviečvajuć tvar».
Heta nie pieršy padobny vypadak u Homielskaj vobłaści — u listapadzie 2009 hoda 24‑hadovy žychar Rečycy byŭ pryhavorany da troch hadoŭ pazbaŭleńnia voli za toje, što adkusiŭ končyk nosa ŭ padletka. Raśpivajučy śpirtnyja napoi ŭ dvary doma, jon paprasiŭ u padletkaŭ, jakija išli mima, zakuryć. Jamu nie spadabaŭsia ton admovy školnikaŭ, jon zaviazaŭ bojku, padčas jakoj adkusiŭ končyk nosa ŭ 15‑hadovaha padletka. Paciarpiełaha zabrała chutkaja, častku nosa pryšyli, ale, pavodle zaklučeńnia ekśpiertyzy, «traŭma nasiła ciažki charaktar», u vyniku čaho tvar školnika źniaviečany.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik46
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary