Ministerstva achovy zdaroŭja dazvoliła dzieciam z prykmietami prastudy zastavacca doma i nie naviedvać navučalnyja ŭstanovy na praciahu 5 dzion. Pry hetym daviedku z palikliniki patrabavać nie buduć.
«Dazvolena adsutnaść dziaciej va ŭstanovach adukacyi da 5 dzion biez daviedki ab časovaj niepracazdolnaści», — havorycca ŭ paviedamleńni ministerstva.
U viedamstvie adznačyli, što taki paradak dziejničaje «z ulikam mierkavanaha rostu zachvorvańnia na VRI ŭ kancy studzienia — pačatku lutaha».
Siarod inšych mier u dziciačych sadkach i škołach buduć pravodzicca «ranišnija filtry», to-bok vyjaŭleńnie dziaciej z prykmietami chvaroby.
Što tyčycca darosłych, to im u Ministerstvie achovy zdaroŭja rekamiendavali pryščapicca ad hrypu, a na pracoŭnych miescach pravodzić vilhotnuju ŭborku.
Kamientary