Pucin prydumaŭ ekzatyčnuju viersiju, čamu ŭ 2022 hodzie pryniaŭ rašeńnie adstupić ad Kijeva
Rasijski prezident Uładzimir Pucin u intervju prapahandystu Paŭłu Zarubinu raskazaŭ, čamu amal try hady tamu, viasnoj 2022 hoda, było pryniata rašeńnie advieści rasijskija vojski ad Kijeva, skancentravaŭšysia na bajavych dziejańniach na ŭschodzie i poŭdni Ukrainy. Pryčyna ž, viadoma, u biaźmiežnym rasijskim humaniźmie.
Jak śćviardžaje Pucin, na fonie rasijska-ŭkrainskich pieramoŭ, jakija ŭ toj čas vialisia ŭ Stambule, niekatoryja jeŭrapiejskija lidary ŭ razmovie ź im nibyta skazali, što, maŭlaŭ, Ukrainie niemahčyma padpisvać mirnuju damovu «ź pistaletam kala skroni», i dziela taho prapanavali advieści rasijskija vojski ad Kijeva.
Jak ni dziŭna, takaja arhumientacyja nibyta padałasia Pucinu pierakanaŭčaj i jon vyrašyŭ da jaje prysłuchacca:
«Było jasna, što padman całkam mahčymy. Tak dziesiacihodździami Rasiju padmanvali. Tym nie mienš, ź mierkavańniaŭ niedapuščeńnia krovapralićcia, vajny surjoznaj, my ŭsio ž taki na heta pahadzilisia i ŭ kancy sakavika pačali vyvad vojskaŭ z-pad Kijeva», — zajaviŭ Pucin.
Na samaj spravie niama sumnievaŭ, što sapraŭdnaj pryčynaj advodu vojskaŭ z-pad Kijeva staŭ vidavočny pravał płanaŭ uziać jaho «za try dni» i banalnaja niazdolnaść rasijskaj armii vieści bajavyja dziejańni adrazu na mnohich kirunkach. Dziela taho i było vyrašana achviaravać najmienš pierśpiektyŭnym — paŭnočnym. Na hetym kirunku, darečy, rasijskija vojski nastupali z terytoryi Biełarusi, dadzienaj u jakaści płacdarmu Alaksandram Łukašenkam. Praz terytoryju Biełarusi vojski adtul i vyvodzilisia.
Temu svajho śpiecyfičnaha miralubstva Pucin praciahnuŭ i ŭ inšym miescy. Maŭlaŭ, Maskva prapanoŭvała Kijevu «pajści» z samaabvieščanych «ŁNR» i «DNR», i tady b, jak śćviardžaje rasijski prezident, bajavych dziejańniaŭ i nie było b.
«Pieramovy, ułasna, u nas pačalisia adrazu ž paśla pačatku SVA [tak u Rasii nazyvajuć raźviazanuju Kramlom vajnu va Ukrainie]. Pieršapačatkova my skazali tahačasnamu ŭkrainskamu kiraŭnictvu: ludzi ŭ ŁNR i DNR nie chočuć być u składzie Ukrainy. Vyjdzicie adtul, i ŭsio, na hetym usio skončycca. Nijakich bajavych dziejańniaŭ, nijakaj vajny».
Što da taho, kab pieramaŭlacca z Ukrainaj ciapier, to Pucin śćviardžaje, što Zialenski nibyta «navat va ŭmovach vajennaha stanovišča «na pieramovach» nie moža ničoha padpisvać u siłu svajoj nielehitymnaści». Bo, maŭlaŭ, termin jahonych paŭnamoctvaŭ skončyŭsia.
Dla taho ž, kab spynić vajnu, Zachadu nibyta dastatkova pierastać padtrymlivać Ukrainu. Bieź jaho dapamohi, maŭlaŭ, «usio skončycca praź miesiac-paŭtara-dva».
Łukašenka zajaviŭ, što napačatku vajny jamu telefanavali hienierały USU, jakija chacieli zdacca, ale tak i nie zdalisia
«Pierad vajnoj Charys zajaviła Zialenskamu, što na Kijeŭ pojduć 40 tysiač rasijskich sałdat ź Biełarusi»
Užo amal pałova rasijan zajaviła, što vajna pryniesła Rasii bolš škody, čym karyści
Łukašenka prakamientavaŭ słovy Zialenskaha pra prapanovu ŭdaryć pa NPZ
Zialenski: Łukašenka prapanoŭvaŭ mnie stuknuć pa Mazyrskim NPZ, ja jamu kažu: «Što ty havoryš?»
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što
Kamientary