Pavodle infarmacyi Nacyjanalnaha statystyčnaha kamiteta, u studzieni—lutym 2010 hoda vałavy ŭnutrany pradukt Biełarusi pavialičyŭsia ŭ paraŭnańni z anałahičnym letašnim pieryjadam na 3,5% i skłaŭ 20 trłn. 93,3 młrd. rubloŭ. U studzieni 2010 hoda VUP pavialičyŭsia na 1,3%, u studzieni—lutym 2009 hoda — na 1,2%.
Zhodna z prahnozam sacyjalna‑ekanamičnaha raźvićcia krainy na 2010 hod zapłanavany pryrost VUP na 11—13%.
Abjom pramysłovaj vytvorčaści ŭ studzieni—lutym pavialičyŭsia na 4,2% (hadavy prahnoz — rost na 10—12%), vytvorčaść spažyvieckich tavaraŭ — na 7,7% (14—15%). Pry hetym vypusk charčovych tavaraŭ uzros na 9,9% (14—15%), niecharčovych — na 5,9% (14—15%).
Vypusk sielskahaspadarčaj pradukcyi haspadarkami ŭsich katehoryj ułasnaści vyras na 5,3% (hadavy prahnoz 10—11%).
U toj ža čas abjom inviestycyj u asnoŭny kapitał źniziŭsia na 9,9% (hadavy prahnoz — rost na 23—25%). Uviedziena ŭ ekspłuatacyju 575,8 tys. kv. m žylla, ci na 6,2% bolš. Usiaho ŭ 2010 hodzie płanujecca pabudavać 6 młn. 960 tys. kv. m žylla.
Pieravozki hruzaŭ vyraśli na 0,1%. Roźničny tavaraabarot pavialičyŭsia na 11,1% (hadavy prahnoz — 14—15%).
Kolkaść biespracoŭnych, zarehistravanych u orhanach pa pracy, zaniataści i sacyjalnaj abaronie, pavialičyłasia na 2,5% (da 43,5 tys. čałaviek) i skłała 0,9% ekanamična aktyŭnaha nasielnictva.
Spažyvieckija ceny ŭ lutym vyraśli na 0,5%, z pačatku hoda — na 1,3%. U studzieni—lutym 2009 hoda rost cen skłaŭ 5,4%, što ŭ asnoŭnym było źviazana z 20‑pracentnaj devalvacyjaj biełaruskaha rubla.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary