jaki, jak płanujecca, adpravicca z Murmanska viečaram 13 sakavika.
Cieły zahinułych u Murmanskaj vobłaści biełaruskich turystaŭ buduć dastaŭleny na radzimu śpiecvahonam, jaki, jak płanujecca, adpravicca z Murmanska viečaram 13 sakavika.
Pra heta paviedamili ŭ pres‑słužbie ŭpraŭleńnia MNS pa Murmanskaj vobłaści.
Nadzvyčajnaje zdareńnie adbyłosia 8 sakavika ŭ Łavaziorskim rajonie, na pieravale Tavajok na adlehłaści 26 km ad pasiołka Reŭda.
Śniežnaja łavina nakryła šeść biełaruskich turystaŭ.
Dvum ź ich, Alaksandru Jurahu i Dźmitryju Faminu, udałosia vyratavacca. Uviečary 9 sakavika jany dabralisia da ludziej i paviedamili pra zdareńnie.
Čatyry turysty — Michaił Karpieš (1981 hod naradžeńnia), Jaŭhien Traskievič (1986), Darja Tracinskaja (1983) i Alaksandra Koŭhan (1987) — zahinuli.
Usie jany z Bresta. Pierad pachodam u Murmanskuju vobłaść hrupa prajšła nieabchodnuju rehistracyju ŭ maršrutna‑kvalifikacyjnaj kamisii ŭ Breście. Pavodle słoŭ staršyni kamisii Uładzimira Abramčyka, usie ŭdzielniki hrupy mieli vopyt łyžnych i hornych pachodaŭ, u pryvatnaści, u Karpatach, na Kaŭkazie, Kolskim paŭvostravie. Ciapierašniamu pachodu była prysvojena treciaja katehoryja składanaści.
Pavodle infarmacyi MNS, cieły zahinułych byli dastaŭleny ŭ morh Murmanska minułaj nočču. Tut budzie praviedziena sudova‑miedycynskaja ekśpiertyza. Siońnia čakajecca prybyćcio svajakoŭ u Murmansk samalotam z Sankt‑Pieciarburha. U aeraporcie ich buduć sustrakać psichołahi. Svajaki voźmuć udzieł u apaznańni cieł i zatym adpraviacca na radzimu taksama ŭ śpiecvahonie.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary