Viciebski aktyvist, suprać jakoha raspačali kryminalnuju spravu za vyviešvańnie bieł‑čyrvona‑biełaha ściaha na haradzkoj jołcy, patrabuje pryciahnuć da kryminalnaj adkaznaści tych, chto jaho zatrymlivaŭ.
Siabar KCHP BNF Siarhiej Kavalenka źviarnuŭsia z zajavaj u Kastryčnicki sud Viciebsku. Jon piša, što troje milicyjantaŭ, jakija zatrymlivali jaho 7 studzienia za vyviešvańnie ściaha, pieravysili svaje słužbovyja paŭnamoctvy. Na dumku aktyvista, jahonyja pavodziny nie vymahali prymianieńnia specsrodkaŭ —nadziavańnia kajdankoŭ. Da taho ž milicyjanty jaho biespadstaŭna źbivali, i cialesnyja paškodžańni zaśviedčyła medyčnaja ekspertyza.
Z 3‑ha sakavika Siarhiej Kavalenka znajomicca sa źmiestam kryminalnaj spravy, raspačataj suproć jaho za parušeńnie hramadzkaha paradku —tak milicyjanty kvalifikavali ŭčynak apazycyjanera. Jašče jaho vinavaciać u supracivie pradstaŭnikam orhanaŭ unutranych spraŭ padčas zatrymańnia. Jaho zatrymlivali tyja samyja troje milicyjantaŭ, jakich Siarhiej Kavalenka choča pryciahnuć da sudu i jakija zapatrabavali ad aktyvista pa 10 miljonaŭ rubloŭ kampensacyi svaich maralnych pakutaŭ — u materyjałach spravy jość ichnyja śviedčańni, što aktyvist ich publična abražaŭ.
Kali abvinavačańni, vystaŭlenyja suprać Siarhieja Kavalenki, buduć dakazanyja ŭ sudzie, jamu pahražaje da 6‑ci hadoŭ turemnaha źniavoleńnia.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra2
Kamientary